ବ୍ରହ୍ମପୁର ଅଫିସ,୪ା୯: ସେଲୁନ ଭିତରେ ସିଗାରେଟ ପିଇବାକୁ ମନା କରିବାରୁ ସେଠାରେ କାମ କରୁଥିବା କର୍ମଚାରୀ ଚନ୍ଦନ ବେହେରାଙ୍କୁ ସୋମବାର ଆକ୍ରମଣ କରାଯାଇଥିଲା। ଉକ୍ତ ଘଟଣାରେ ଗୋଷାଣୀନୂଆଗଁା ପୋଲିସ ୨ ଜଣଙ୍କୁ ଗିରଫ କରିଛି। ସେମାନେ ହେଲେ ହିଲ୍ପାଟଣା ପୁରୁଣା ଖ୍ରୀଷ୍ଟିଆନ ସାହିର ମୁକେଶ ସାହୁ ଓ ଆଶିଷ ସାହୁ (୧୯)। ଅଭିଯୁକ୍ତ ଦୁଇ ଭାଇ ବୋଲି ପୋଲିସ କହିଛି। ମାମଲା ନଂ.୯୦/୧୯ ରେ ସେମାନଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଛି। ପ୍ରକାଶ ଯେ, ଚନ୍ଦନ ଜଣେ ଗ୍ରାହକଙ୍କ ଚୁଟି କାଟୁଥିଲେ। ସେହି ସମୟରେ ମୁକେଶ ଓ ଆଶିଷ ସେଠାରେ ପହଞ୍ଚି ସିଗାରେଟ ଟାଣିଥିଲେ। ଚନ୍ଦନ ସେମାନଙ୍କୁ ସେଲୁନ ବାହାରକୁ ଯାଇ ଟାଣିବାକୁ କହିଥିଲେ। ହେଲେ ମୁକେଶ ଓ ଆଶିଷ ରାଗିଯାଇ ଚନ୍ଦନଙ୍କୁ ଲୁହାରଡ୍ରେ ଆକ୍ରମଣ କରିଥିଲେ। ଫଳରେ ତାଙ୍କ ମୁଣ୍ଡ ଫାଟିଯାଇଥିଲା।