ଗ୍ରେଟର୍ ନୋଏଡା, ୧୦।୧୦ (ପି.ଟି.)- ପ୍ରୋ କବାଡ଼ି ଲିଗ୍ (ପିକେଏଲ୍)ରେ ବୁଧବାର ଖେଳାଯାଇଥିବା ଏକ ମ୍ୟାଚ୍ରେ ତେଲଗୁ ଟାଇଟନ୍ସ ୪୧-୩୬ ପଏଣ୍ଟରେ ଘରୋଇ ୟୁପି ଯୋଦ୍ଧାକୁ ପରାସ୍ତ କରିଛି। ଚଳିତ ସିଜନରେ ଘରୋଇ ଗ୍ରାଉଣ୍ଡରେ ଯୋଦ୍ଧାର ଏହା ପ୍ରଥମ ପରାଜୟ। ଯୋଦ୍ଧାର ରିଶଙ୍କ ଡେଭାଡିଗା ଓ ଶ୍ରୀକାନ୍ତ ଯାଦବ ଯଥାକ୍ରମେ ପିକେଏଲ୍ରେ ୬୫୦ ଓ ୩୦୦ ପଏଣ୍ଟ ପୂରଣ କରିଛନ୍ତି। ସେହିଭଳି ଦିବସର ଅନ୍ୟ ଏକ ମ୍ୟାଚ୍ରେ ବେଙ୍ଗଲ ଓ୍ବାରିୟର୍ସ ୩୩-୨୯ ପଏଣ୍ଟରେ ତାମିଲ ଥଲାଇଭାସକୁ ହରାଇଛି। ସୁକେଶ ହେଗ୍ଡେ (୬ ପଏଣ୍ଟ), ମହମ୍ମଦ ନବିବାକ୍ସ (୭) ଓ ରିଙ୍କୁ ନରଓ୍ବାଲ (୫) ପ୍ରମୁଖ ବେଙ୍ଗଲ ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ। ବିଜୟ ସହ ବେଙ୍ଗଲ ୮୩ ପଏଣ୍ଟ ପାଇ ଟେବୁଲ ତାଲିକାରେ ଦବଙ୍ଗ ଦିଲ୍ଲୀ (୮୨)କୁ ପଛରେ ପକାଇ ଶୀର୍ଷ ସ୍ଥାନକୁ ଉଠିଛି।
