ବରଗଡ଼ ଅଫିସ,୧।୨: ବରଗଡ଼ ସହରରେ ରହିଥିବା ପୁରୁଣା ଜିଲା ମୁଖ୍ୟ ଡାକ୍ତରଖାନାକୁ ସିଟି ହସ୍ପିଟାଲ ଘୋଷଣା ଦାବିରେ ଆନ୍ଦୋଳନ ତୀବ୍ର ହେବାରେ ଲାଗିଛି। ଏହି ଦାବି ନେଇ କଂଗ୍ରେସ ୨୪ ଘଣ୍ଟିଆ ଅନଶନକୁ ଓହ୍ଲାଇ ଥିବାବେଳେ ଭାଜପା, ସଚେତନ ନାଗରିକ ମଞ୍ଚ ୩ ଘଣ୍ଟିଆ ଧାରଣାରେ ବସିଥିଲେ। ତେବେ ଅପରାହ୍ନ ୫ଟାରୁ ସହରର ବହୁ ସଂଖ୍ୟକ ମହିଳା, ପୁରୁଷ ସ୍ଥାନୀୟ ଭଟଲି ରୋଡ୍ ଏବଂ ଗୁରୁଦ୍ୱାର ଛକରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି। ଫଳରେ ସହରର ମୁଖ୍ୟରାସ୍ତାର ଉଭୟ ପାଶର୍ବରେ ବହୁ ସଂଖ୍ୟାରେ ଯାନବାହନ ଅଟକି ରହିଥିବା ବେଳେ ଯାତାୟାତ ବାଧାପ୍ରାପ୍ତ ହୋଇଛି।