ଆଠମଲ୍ଲିକ,୨୬ା୧୧(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ରେଞ୍ଜ ସିଦ୍ଧପୁର ଖେସରା ଜଙ୍ଗଲରୁ ମଙ୍ଗଳବାର ଏକ ଦନ୍ତାହାତୀର ମୃତଦେହ ଉଦ୍ଧାର କରାଯାଇଛି। ଆଠମଲ୍ଲିକ ଜଙ୍ଗଲରେ ବୁଲୁଥିବା ୨୨ ଟିକିଆ ହାତୀପଲରେ ଥିବା ଦନ୍ତାଙ୍କ ମଧ୍ୟରେ ଲଢ଼େଇ ଯୋଗୁ ଉକ୍ତ ଦନ୍ତାହାତୀର ମୃତ୍ୟୁ ହୋଇଥିବା ବନ ବିଭାଗ ପ୍ରକାଶ କରିଛି। ଖବରପାଇ ଏସିଏଫ ଗୌରୀଶଙ୍କର ଦାଶ, ଜିତେନ୍ଦ୍ର କୁମାର ସାହୁ ଓ ଅନ୍ୟ କର୍ମଚାରୀ ପହଞ୍ଚି ପରିସ୍ଥିତ ଅନୁଧ୍ୟାନ କରିଥିଲେ। ବିଭିଓ ଦୀପକ ଷଡଙ୍ଗୀ, ପ୍ରାଣୀଧନ ଚିକିତ୍ସକ ବିନୟ ମହାନ୍ତି ମୃତ ହାତୀର ବ୍ୟବଚ୍ଛେଦ କରିବା ପରେ ତାହାକୁ ସେଠାରେ ପୋତି ଦିଆଯାଇଛି।