ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ବତ ଶିବସେନାର ଉଦ୍ଧବ ଠାକରେ ନେତୃତ୍ୱାଧୀନ ମହାରାଷ୍ଟ୍ର ସରକାରକୁ ନେଇ ବିବାଦରେ ଥିଲେ। ବର୍ତ୍ତମାନ କଙ୍ଗନା ମହାରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ଅଭିନନ୍ଦନ ଜଣାଇଛନ୍ତି। ଅଭିନେତ୍ରୀ ତାଙ୍କ ଇନ୍ଷ୍ଟା ଷ୍ଟୋରୀରେ ତାଙ୍କ ସଫଳତାକୁ ନେଇ ତାଙ୍କୁ ଅଭିନନ୍ଦନ ଜଣାଇଛନ୍ତି।
ସେ ତାଙ୍କ ଷ୍ଟୋରୀରେ ସିନ୍ଦେଙ୍କର ଏକ ଫଟୋ ଶେୟାର କରି ଲେଖିଛନ୍ତି, “ଏକ ପ୍ରେରଣାଦାୟକ ସଫଳତାର କାହାଣୀ… ଜୀବିକା ନିବାହ ପାଇଁ ଏକ ଅଟୋ-ରିକ୍ସା ଚଳାଇବା ଠାରୁ ଆରମ୍ଭ କରି ରାଜ୍ୟର ସବୁଠାରୁ ଗୁରୁତ୍ୱପୂର୍ଣ୍ଣ ତଥା ଶକ୍ତିଶାଳୀ ବ୍ୟକ୍ତି ହେବା ପର୍ଯ୍ୟନ୍ତ .. ଅଭିନନ୍ଦନ ସାର”
ଗତ କିଛି ବର୍ଷ ହେବ ଉଦ୍ଧବ ଠାକରେ ସରକାରକୁ ନେଇ କଙ୍ଗନା ସହ ମତଭେଦ ଥିଲା ଏବଂ ସେ ସୋସିଆଲ ମିଡିଆ ଆକାଉଣ୍ଟରେ ତାଙ୍କୁ ଅନେକ ଥର ଟାର୍ଗେଟ ମଧ୍ୟ କରିଥିଲେ।