କୋଲକାତା,୨୭।୫: କୋଲକାତାର ପୂର୍ବତନ ପୋଲିସ କମିଶନର ରାଜୀବ କୁମାର ସୋମବାର ସିବିଆଇରେ ହାଜର ହୋଇ ନ ଥିବା ଜଣାପଡ଼ିଛି। ସକାଳ ୧୦ଟାରେ ତାଙ୍କୁ ହାଜର ହେବାକୁ ନିର୍ଦ୍ଦେଶ ଦିଆଯାଇଥିଲା। ହେଲେ ଏହା ପୂର୍ବରୁ କ୍ରାଇମ ଇନଭେଷ୍ଟିଭେସନ୍ ଡିପାର୍ଟମେଣ୍ଟ(ସିଆଇଡି)ଏକ ଚିଠି ଯାଞ୍ଚ ଏଜେନ୍ସିଙ୍କୁ ଦେଇଥିଲା। ରାଜୀବ କୁମାର ୬ ଦିନିଆ ଛୁଟିରେ ଅଛନ୍ତି ବୋଲି ଏହି ଚିଠିରେ ଉଲ୍ଲେଖ ରହିଥିଲା। ଯାହା ଫଳରେ ସେ ସିବିଆଇ ପାଖରେ ହାଜର ହୋଇପାରିନାହାନ୍ତି ବୋଲି ସିଆଇଡି କହିଛି। ଅପରପକ୍ଷରେ ରବିବାର ସାରାଦା ଚିଟଫଣ୍ଡ ଦୁର୍ନିତୀରେ ସଂପୃକ୍ତ ଥିବା ରାଜୀବଙ୍କ ବିରୋଧରେ ସିବିଆଇ ଲୁକ୍ଆଉଟ୍ ସର୍କୁଲାର ଜାରି କରିଛି। ଏଥିସହ ଏକ ବର୍ଷ ପର୍ଯ୍ୟନ୍ତ ରାଜୀବ ବିଦେଶ ଗସ୍ତ କରିପାରିବେ ନାହିଁ। ଏନେଇ ବିମାନ ବନ୍ଦର ଓ ଇମିଗ୍ରେସନ ଅଧିକାରୀଙ୍କୁ ନଜର ରଖିବା ପାଇଁ ନିର୍ଦ୍ଦେଶ ଦିଆଯାଇଛି।
