ନୂଆଦିଲ୍ଲୀ,୨୬।୮: କେନ୍ଦ୍ରୀୟ ଅପ୍ରତ୍ୟକ୍ଷ କର ଓ ସୀମା ଶୁଳ୍କ ବୋର୍ଡ (ସିବିଆଇସି)ବା The Central Board of Indirect Taxes and Customs (CBIC) ୨୨ ଜଣ ଅଧିକାରୀଙ୍କୁ ବାଧ୍ୟତାମୂଳକ ଅବସର ଦେଇଛନ୍ତି। ଏମାନେ ସମସ୍ତେ ସୁପରିଣ୍ଟେଣ୍ଡେଣ୍ଟ ଓ ଏଓ ର଼୍ୟାଙ୍କର ବୋଲି ଜଣାପଡିଛି। ଏମାନଙ୍କୁ ଫଣ୍ଡାମେଣ୍ଟାଲ ଆକ୍ଟ ୫୬(ଜେ) ଆଧାରରେ ଅବସର ଦିଆଯାଇଛି। ଏମାନଙ୍କ ଉପରେ ଭ୍ରଷ୍ଟାଚାର ଓ ଅନ୍ୟ ଅଭିଯୋଗ ଥିବାରୁ ଏମାନଙ୍କୁ ଅନିର୍ବାଜ୍ୟ ଅବସର ଦିଆଯାଇଥିବା ପ୍ରକାଶ। ସ୍ବାଧୀନତା ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଘୋଷଣା କରିଥିଲେ କି ପ୍ରଶାସନରେ କେତେଜଣ ଲୋକ ନିଜ ପଦବୀର ଭୁଲ୍ ବ୍ୟବହାର କରୁଛନ୍ତି। ଏମାନଙ୍କ ବିରୋଧରେ ସରକାର ଐତିହାସିକ ପଦକ୍ଷେପ ନେବେ ବୋଲି ସେ ସୂଚନା ଦେଇଥିଲେ। ସୂଚନାଯୋଗ୍ୟ, ଗତ ଜୁନ୍ରେ ଇଣ୍ଡିଆନ୍ ରେଭିନ୍ୟୁ ସର୍ଭିସ ଓ ଇନକମ୍ ଟାକ୍ସ ଡିପାର୍ଟମେଣ୍ଟର ୨୭ ଅଧିକାରୀଙ୍କୁ ଅବସର ଦିଆଯାଇଥିଲା।