‘ସିିଲ୍କ ଇଣ୍ଡିଆ ଏକ୍ସପୋ-୨୦୧୯’ ଆରମ୍ଭ: ଗୋଟିଏ ସ୍ଥାନରେ ଉତ୍କୃଷ୍ଟ ସିଲ୍କ ଉତ୍ପାଦ
41 ଭୁବନେଶ୍ୱର,୨ା୧୧(ବ୍ୟୁରୋ): ଆର୍ଟିଜାନ୍ସ ଆଣ୍ଡ୍ ୱେଭସର୍ର୍ ୱେଲଫେୟାର୍ ଆସୋସିଏଶନ୍ ‘ହସ୍ତଶିଳ୍ପୀ’ ଦ୍ୱାରା ୟୁନିଟ୍-୩ସ୍ଥିତ ଇଡ୍କୋ ପ୍ରଦର୍ଶନୀ ପଡ଼ିଆଠାରେ ସିିଲ୍କ ଇଣ୍ଡିଆ ଏକ୍ସପୋ-୨୦୧୯ ଶୁକ୍ରବାରଠାରୁ ଆରମ୍ଭ ହୋଇଯାଇଛି। ୧୧ଦିନ ଧରି ଚାଲିବାକୁ ଥିବା ଏହି ଏକ୍ସପୋକୁ ଓଡ଼ିଆ ଚଳଚ୍ଚିତ୍ର ଅଭିନେତ୍ରୀ ଅମ୍ରିତା ମିଶ୍ର ଉଦ୍ଘାଟନ କରିଥିଲେ। ସମଗ୍ର ଦେଶର ବିଭିନ୍ନ ରାଜ୍ୟରୁ ଉତ୍କୃଷ୍ଟ ସିଲ୍କ ଉତ୍ପାଦ ଏଠାରେ ଉପଲବ୍ଧ ହେଉଛି। ୬୫ଟି ଷ୍ଟଲ୍ରେ ହ୍ୟାଣ୍ଡ୍ ବ୍ଲକ୍ ପ୍ରିଣ୍ଟ ଶାଢ଼ି, ସାଲଓ୍ବାର୍ ସୁଟ୍ ଏବଂ ସିଲ୍କ୍ ବେଡ୍ କଭର୍, ଡିଜାଇନର୍ ୱେର୍ ଏବଂ ବର୍ଡର ଆଦି ମିଳୁଛି। ଏହାବ୍ୟତୀତ କୁର୍ତ୍ତା, ହାତବୁଣା ମଟ୍କା ଏବଂ ଆସାମ ମୁଗା ଫ୍ୟାବ୍ରିକ୍, ଅପୂର୍ବା ସିଲ୍କ ଶାଢ଼ି, ବାଲୁଚରୀ ଶାଢ଼ି, ଏମ୍ବ୍ରୋଡରି ଡିଜାଇନ୍ ସିଲ୍କ ଶାଢ଼ି ଏବଂ ଡ୍ରେସ୍ ମ୍ୟାଟେରିଆଲ୍, ଭାଗଲପୁରୀ ସୁଟ୍, ପ୍ରିଣ୍ଟେଡ୍ ସିଲ୍କ ଶାଢ଼ି, ରେଶମୀ ପ୍ଲେନ୍ ଏବଂ ବୁଟ୍ଟି ଶାଢ଼ି, କର୍ନାଟକା ସିଲ୍କ ଶାଢ଼ି, ମାହେଶ୍ୱରୀ, ଚନ୍ଦେରୀ ସିଲ୍କ ଶାଢ଼ି ଏବଂ ସୁଟ୍, କୋଟା ସିଲ୍କ, ମଲବେରି ସିଲ୍କ ସହିତ ଟେମ୍ପୁଲ୍ ବର୍ଡର, ବନାରସ୍ ଜାମଦାନୀ, ବିଭିନ୍ନ ରାଜ୍ୟର ହାତବୁଣା ଶାଢ଼ି ଏବଂ ସୁଟ୍ ଆଦି ଏଠାକାର ଅନ୍ୟାନ୍ୟ ଆକର୍ଷଣ। ବିଭିନ୍ନ ରାଜ୍ୟରୁ ଆସିଥିବା ପାରମ୍ପରିକ ଶାଢ଼ି ମଧ୍ୟରେ ମହୀଶୂର ସିଲ୍କ ଶାଢ଼ି, କ୍ରେପ ଓ ଜର୍ଜେଟ୍ ସିଲ୍କ ଶାଢ଼ି, ସିଫନ୍ ସିଲ୍କ ଶାଢ଼ି, ଟସର ସିଲ୍କ ଶାଢ଼ି ଏବଂ ସୁଟ୍, କାଞ୍ଚିପୁରମ୍ ସିଲ୍କ ଶାଢ଼ି ଏବଂ ଡିଜାଇନର୍ ଫ୍ୟାନ୍ସି ଶାଢ଼ି, ଧର୍ମାଭରମ୍ ସିଲ୍କ ଶାଢ଼ି, ଝୋଟ ସିଲ୍କ ଶାଢ଼ି, ଢାକା ସିଲ୍କ ଶାଢ଼ି, ହାତବୁଣା ସିଲ୍କ କଟନ ଶାଢ଼ି, ସିଲ୍କ ବ୍ଲେଣ୍ଡ୍ ଶାଢ଼ି, ଗଡ୍ୱାଲ୍ ସିଲ୍କ ଶାଢ଼ି ଆଦି ରହିଛି। ସେହିଭଳି ଗ୍ରାହକମାନେ ଏଠାରୁ ୱେଡିଂ ଶାଢ଼ୀ, ସିଲ୍କ ଓ ଟସର କଞ୍ଚାମାଲ, ଷ୍ଟୋଲ୍, ସିଲ୍କ ଯୁକ୍ତ ଫ୍ୟାବ୍ରିକ୍/ଫର୍ନସିଂ, ଉପ୍ପଡା ଇତ୍ୟାଦି ପାଇପାରିବେ। ସିଲ୍କ୍ ଇଣ୍ଡିଆ ଏକ୍ସପୋର ଆୟୋଜକ ଅଭିନନ୍ଦ ଏହି ଅବସରରେ କହିଛନ୍ତି, ଏକ୍ସପୋରେ ଚଳିତବର୍ଷ ଦେଶର ବିଭିନ୍ନ ପ୍ରାନ୍ତର ସିଲ୍କ ଶାଢ଼ି ବୁଣାକାର, ହସ୍ତଶିଳ୍ପ ବିଭାଗ ଏବଂ ସିଲ୍କ କୋ-ଅପରେଟିଭ ସୋସାଇଟି ପକ୍ଷରୁ ସେମାନଙ୍କର ଉପତ୍ାଦ ବିକ୍ରିବଟା କରିବାର ବ୍ୟବସ୍ଥା କରାଯାଇଛି। ହାତୁବଣା ତଥା ହସ୍ତତନ୍ତ ଉପତ୍ାଦକୁ ବୁଣାକାର ଏବଂ ନିପୁଣ କାରିଗରଙ୍କ ଦ୍ୱାରା ବିନା କୌଣସି ମଧ୍ୟସ୍ଥରେ ସିଧାସଳଖ ଭାବେ ଗ୍ରାହକମାନଙ୍କ ନିକଟରେ ପହଞ୍ଚାଇବା ଏହି ଏକ୍ସପୋର ମୁଖ୍ୟ ଉଦ୍ଦେଶ୍ୟ ବୋଲି ସେ କହିଛନ୍ତି। ‘ଧରିତ୍ରୀ’ ଏହି ଏକ୍ସପୋର ମିଡିଆ ପାର୍ଟନର ରହିଛି।