ପାଟଣା,୬।୮(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ଡୁମୁରିଆ କପାସପଡ଼ା ଆରଡି ରାସ୍ତାର ନୂଆପଡ଼ା ନିକଟରେ ସୀତାନଦୀ ପୋଲ ଉପରେ ମଙ୍ଗଳବାର ସକାଳୁ ୪ ଫୁଟ ଉଚ୍ଚର ନଦୀ ଜଳ ପ୍ରବାହିତ ହେଉଛି। ଫଳରେ ୩/୪ ପଞ୍ଚାୟତ ଲୋକେ ପାଟଣା ମୁଖ୍ୟାଳୟ ଓ ଢେଙ୍କିକୋଟକୁ ଯାତାୟାତ କରିପାରୁ ନାହାନ୍ତି। ଡୁମୁରିଆ, କେତାଙ୍ଗ, ନୂଆପଡ଼ା ଚିନାବାଳିପଶି, କୁମୁଲାବାହାଳି ଓ ପଲାଣି ଘାଟିର ଲୋକେ ବାହ୍ୟଜଗତରୁ ଏକପ୍ରକାର ବିଚ୍ଛିନ୍ନ ହୋଇଯାଇଛନ୍ତି। ଚିନାବାଳିପଶି ସମିତିସଭ୍ୟ ତଥା ପାଟଣା ସମବାୟସମିତି ସଭାପତି ବିଶ୍ୱନାଥ ନାଏକ ସୀତା ନଦୀ ଉପରେ ଏକ ଉଚ୍ଚା ପୋଲ ନିର୍ମାଣ ପାଇଁ ଦାବି କରିଛନ୍ତି।