ଗ୍ରୀଷ୍ମଋତୁରେ ସୁଇମିଂପୁଲ୍, ଓ୍ବାଟର ପାର୍କ ଯିବା ପାଇଁ ବହୁ ଲୋକ ପସନ୍ଦ କରିଥାନ୍ତି। ବିଶେଷକରି କରି ପିଲାମାନେ ସୁଇମିଂ ପୁଲ୍ରେ ମଜା ନେବାକୁ ଖୁବ୍ ଭଲପାଆନ୍ତି। ଅଭିଭାବକମାନେ ମଧ୍ୟ ପିଲାମାନଙ୍କୁ ଖରାଦିନେ ସୁଇମିଂ ପୁଲ୍କୁ ନେଇ ଯାଇଥାନ୍ତି। କିନ୍ତୁ କିଛିକ୍ଷଣ ପାଇଁ ଆନନ୍ଦ ଦେଉଥିବା ପୁଲ୍ ଶରୀର ପାଇଁ ଅନେକ କ୍ଷତି ପହଞ୍ଚାଇଥାଏ। ଏପରିକି ପେଟ ଦରଜ, ବାନ୍ତି, ତ୍ୱଚାରେ ଜଳାପୋଡ଼ା ଆଦି ହୋଇଥାଏ। କାରଣ ପୁଲ୍ର ପାଣି ସଫା ରହିବା ପାଇଁ ଏଥିରେ କ୍ଲୋରିନ୍ର ମାତ୍ରା ଅଧିକ ମିଶା ଯାଇଥାଏ। ଯାହା ଶରୀର ପାଇଁ ହାନିକାରକ।
ଡାଇରିଆ : ପୁଲ୍ର ପାଣି ଦୂଷିତ ହୋଇ ଏହା ଡାଇରିଆକୁ ଆମନ୍ତ୍ରଣ କରିଥାଏ। ଏହି ପାଣିରେ ନୋରୋ ଭାଇରସ, ଇ କୋଲାଇ, ଲେଜିଓନେଲା ପରି ବ୍ୟାକ୍ଟେରିଆ ରହିଥାଏ। ତେଣୁ ସ୍ବାସ୍ଥ୍ୟ ପାଇଁ ଏହା କ୍ଷତି ପହଞ୍ଚାଇଥାଏ। ସୁଇମିଂ ପୁଲ୍ ଯିବା ପୂର୍ବରୁ କେତେକ ସାବଧାନତା ଜରୁରୀ। ଯେମିତି କି ମୁହଁରେ ପାଣି ନ ପଶିବା, ମଳମୂତ୍ର ତ୍ୟାଗ ନ କରିବା, ପହଁରିବା ସମୟରେ ବ୍ରେକ୍ ନେଇ ଟଏଲେଟ୍ ଯିବା ଆଦି ଆବଶ୍ୟକ।
ଦେହହାତ କୁଣ୍ଡାଇ ହେବା : ସୁଇମିଂ ପୁଲ୍ରେ ସ୍ନାନ କରିବା ପରେ ଦେହହାତ କୁଣ୍ଡାଇ ହୋଇଥାଏ। ଏଣୁ ଆଣ୍ଟି-ଇଚିଂ କ୍ରିମ କିମ୍ବା ମେନ୍ଥଲ କ୍ରିମ ଲଗାନ୍ତୁ। ସପ୍ତାହରୁ ଯଦି ଅଧିକ ଦିନ ଦେହ କୁଣ୍ଡାଇ ହୁଏ ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ।
କେଶ ଝଡ଼ିବା : ସୁଇମିଂପୁଲ୍ ପାଣିରେ କ୍ଲୋରିନ୍ର ମାତ୍ରା ଅଧିକ ଥିବାରୁ କେଶ ଝଡ଼ିଥାଏ। ଏଣୁ ପୁଲ୍ରେ ଗାଧୋଇବା ସମୟରେ କ୍ୟାପ୍ ବ୍ୟବହାର କରନ୍ତୁ। ଏହା ଦ୍ୱାରା କେଶ ଝଡ଼ିବ ନାହିଁ। ଏହା ବ୍ୟତୀତ ପୁଲ୍ର ଅପରେଟର ଭଲ ଭାବେ ଏହାକୁ ସଫା କରିବା ଉଚିତ୍।