ଜୟପୁର,୨।୧୧: ଜିଏସ୍ଟି ବିଭାଗର ଚଢାଉ ପରେ ସୁନା ବ୍ୟବସାୟୀଙ୍କ ମୃତ୍ୟୁ ହୋଇଛି ବୋଲି ଜୟପୁର ଚାମ୍ବର ଅଫ କର୍ମସ ଅଭିଯୋଗ କରିଛି । ଏହାକୁ ନେଇ ଶନିବାର ସକାଳ ୬ ଟାରୁ ସନ୍ଧ୍ୟା ୬ଟା ଯାଏ ୧୨ ଘଣ୍ଟା ଦୋକାନ ବଜାର ବନ୍ଦ ଡାକରା ଦିଆଯାଇଛି। ନ୍ୟୁ ବାସବି ଜୁଏଲରୀ ନିକଟରେ ସମସ୍ତ ବ୍ୟବସ୍ଥାୟୀ ଏକତ୍ରିତ ହୋଇ ନ୍ୟାୟ ଦାବି କରିଛନ୍ତି । ଛୋଟ ଦୋକାନ ଠାରୁ ଆରମ୍ଭ କରି ବଡ ଦୋକାନ ଯାଏ ସମସ୍ତେ ଦୋକାନ ବଜାର ବନ୍ଦ ରହିବ। ନ୍ୟାୟ ଦାବି ସହ ଏଭଳି ଘଟଣା ପୁନାରାବୃତ୍ତି ନ ହେବା ପାଇଁ ଚାମ୍ବର ଅଫ କମର୍ସ ତରଫରୁ କୁହାଯାଇଛି। ଜୟପୁର ସହରର ସମସ୍ତ ଛୋଟ ବଡ ଦୋକାନ, ବଜାର ବନ୍ଦ ରହିଥିବା ବେଳେ ସ୍କୁଲ କଲେଜ ସମେତ ସମସ୍ତ ସରକାରୀ ଓ ବେସରକାରୀ ଅନୁଷ୍ଠାନ ଖୋଲା ରହିଛି ଏବଂ ଗାଡି ଚଳାଚଳ ସ୍ବାଭାବିକ ରହିଛି ।
