ସୋନି ଟିଭିରେ ପ୍ରସାରିତ ସିଙ୍ଗିଙ୍ଗ୍ ରିଆଲିଟି ଶୋ’ ସୁପରଷ୍ଟାର ସିଙ୍ଗର’ର ପ୍ରଥମ ବିଜେତା ହେଉଛନ୍ତି ପ୍ରୀତି ଭଟାଚାର୍ଯ୍ୟ। ଅକ୍ଟୋବର ୬ରେ ଶୋ’ର ଗ୍ରାଣ୍ଡ୍ ଫିନାଲେ ଅନୁଷ୍ଠିତ ହୋଇଥିଲା। ପ୍ରୀତି ପ୍ରଥମରୁ ହିଁ ନିଜର ସୁନ୍ଦର ସ୍ବର ମାଧ୍ୟମରେ ସମସ୍ତଙ୍କ ହୃଦୟ ଜିତିପାରିଥିବା ବେଳେ ସବୁଠାରୁ ଅଧିକ ଭୋଟ ପାଇ ଏହି ସଫଳତା ହାସଲ କରିଛନ୍ତି। ଗ୍ରାଣ୍ଡ ଫିନାଲେରେ ୫ ପ୍ରତିଯୋଗୀ ମୌଲୀ, ସ୍ନେହା ଶଙ୍କର, ହର୍ଷିତ ନାଥ, ଅଙ୍କୋନା ମୁଖାର୍ଜୀ ଏବଂ ନିଷ୍ଠା ଶର୍ମାଙ୍କୁ ପଛରେ ପକାଇ ବିଜୟୀ ହୋଇଛନ୍ତି। ବିଜେତା ରୂପେ ତାଙ୍କୁ ଟ୍ରଫି ସହ ୧୫ ଲକ୍ଷ ଟଙ୍କାର ଚେକ୍ ପ୍ରଦାନ କରାଯାଇଛି।
ଗତ ୩ ମାସ ହେବ ଏହି ଶୋ’ ପ୍ରସାରିତ ହୋଇ ଆସୁଥିଲା। ଶୋ’ରେ ୪ଜଣ ଅଧିନାୟକ ନୀତୀନ କୁମାର, ସଲ୍ମାନ ଅଲ୍ଲୀ, ଜ୍ୟୋତିକା ତଙ୍ଗରୀ ଏବଂ ସଚିନ କୁମାର ବାଲ୍ମୀକି ଥିଲେ। ଜଜ୍ ସାଜିଥିଲେ ସିଙ୍ଗର ହିମେଶ ରେଶମିୟା, ଅଲ୍କା ଆଗ୍ନିକ ଏବଂ ଜାଭେଦ ଅଲ୍ଲୀ।