ଜେଡା, ୯।୧ (ଏଏଫ୍ପି)- ଜିନେଡିନ ଜିଡାନେଙ୍କ ରିୟଲ ମାଡ୍ରିଡ୍ ଦଳ ସ୍ପାନିଶ ସୁପର୍ କପ୍ ଫାଇନାଲରେ ପ୍ରବେଶ କରିଛି। ସେମିଫାଇନାଲ ମୁକାବିଲାରେ ଏହି ସ୍ପାନିଶ କ୍ଲବ ୩-୧ ଗୋଲରେ ଭାଲେନିକାକୁ ହରାଇ ଦେଇଛି। ମ୍ୟାଚ୍ର ୧୫ତମ ମିନିଟ୍ରେ ଟୋନି କ୍ରୁଜ୍ କର୍ନର କିକ୍ରୁ ସିଧାସଳଖ ଚମତ୍କାର ଗୋଲସ୍କୋର କରି ରିୟଲ ମାଡ୍ରିଡ୍କୁ ୧-୦ ଗୋଲରେ ଅଗ୍ରଣୀ କରାଇଥିଲେ। ଏହାପରେ ଇସ୍କୋ ଓ କ୍ରୋଏସିଆ ଫୁଟ୍ବଲ ଷ୍ଟାର୍ ଲୁକା ମୋଡ୍ରିକ୍ ଯଥାକ୍ରମେ ୩୯ତମ ଓ ୬୫ତମ ମିନିଟ୍ରେ ଗୋଟିଏ ଲେଖାଏ ଗୋଲ ଦେଇ ଦଳକୁ ୩-୦ରେ ଏକପାଖିଆ ଭାବେ ଅଗ୍ରଣୀ କରିଥିଲେ। ଅତିରିକ୍ତ ସମୟରେ ଭାଲେନିକାର ଡାନିଏଲ ପେରେଜ (୯୦+୨ତମ ମିନିଟ୍) ଗୋଟିଏ ଗୋଲ ଶୁଝାଇ ଦେଇଥିଲେ। ଅନ୍ୟ ଏକ ସେମିଫାଇନାଲରେ ବାର୍ସିଲୋନା ଓ ଆଟ୍ଲେଟିକୋ ମାଡ୍ରିଡ୍ ପରସ୍ପରକୁ ଭେଟିବେ। ଏହାର ବିଜେତା ରବିବାର ଫାଇନାଲରେ ରିୟଲ ମାଡ୍ରିଡ୍କୁ ଭେଟିବ। ଉଲ୍ଲେଖଯୋଗ୍ୟ, ଜିଡାନ ବର୍ତ୍ତମାନ ରିୟଲ ମାଡ୍ରିଡ୍ର ପ୍ରଶିକ୍ଷକ ରହିଛନ୍ତି।
