ଯୋଡ଼ା, ୨୨।୧୦(ଡି.ଏନ୍.ଏ.): କେନ୍ଦୁଝର ଜିଲା ଯୋଡା ସହର ଓ୍ବାର୍ଡ ନଂ. ୩ ରେ ଥିବା ରାଉତ କମ୍ପ୍ଲେକ୍ସ ବିଲ୍ଡିଂର ଜଣେ ସୁରକ୍ଷାକର୍ମୀଙ୍କ ଝୁଲନ୍ତା ମୃତଦେହ ମଙ୍ଗଳବାର ସକାଳେ ଉଦ୍ଧାର ହୋଇଛି। ସେ ହେଲେ ଲକ୍ଷ୍ମଣ ପାତ୍ର (୫୦)।
ପ୍ରକାଶ ଯେ, ଲକ୍ଷ୍ମଣ ସୋମବାର ରାଉତ କମ୍ପ୍ଲେକ୍ସର ‘ଏ’ ବ୍ଲକ ବିଲ୍ଡିଂରେ ରାତି ଡ୍ୟୁଟି କରୁଥିଲେ। ମଙ୍ଗଳବାର ଭୋର ସମୟରେ ସ୍ଥାନୀୟ ଲୋକେ ପ୍ରାତଃ ଭ୍ରମଣ କରୁଥିବା ବେଳେ ଲକ୍ଷ୍ମଣ ଉକ୍ତ ବିଲ୍ଡିଂର ତୃତୀୟ ମହଲାରେ ରଶିରେ ଝୁଲୁଥିବା ଦେଖିବାକୁ ପାଇଥିଲେ। ଏ ନେଇ ସେମାନେ ରାଉତ କମ୍ପ୍ଲେକ୍ସର ମାଲିକଙ୍କୁ ଖବର ଦେଇଥିଲେ ା କମ୍ପ୍ଲେକ୍ସର ମାଲିକଙ୍କଠାରୁ ଯୋଡା ଥାନା ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁକରି ତଦନ୍ତ ଆରମ୍ଭ କରିଛି। ତେବେ ମୃତ୍ୟୁର କାରଣ ଜଣାପଡ଼ି ନାହିଁ।