ଖଣ୍ଡପଡ଼ା,୧।୨(ସ୍ବ.ପ୍ର.): ଖଣ୍ଡପଡ଼ା ବିଦ୍ୟୁତ୍ ଉପଖଣ୍ଡ ଅଧୀନରେ ଥିବା ଅନେକ ଟ୍ରାନ୍ସଫର୍ମର ଓ ସବ୍ଷ୍ଟେଶନ ବିପଦସଙ୍କୁଳ ଅବସ୍ଥାରେ ରହିଛି ା ବିଦ୍ୟୁତ୍ ବିଭାଗର ଖାମଖିଆଲ ମନୋଭାବ ଯୋଗୁ ସେଗୁଡିକ ବିଭିନ୍ନ ସମୟରେ ବିପଦକୁ ଆମନ୍ତ୍ରଣ କରିଥିବା ଅଭିଯୋଗ ହେଉଛି ା ଖଣ୍ଡପଡା ସହରରେ (ମେଡିକାଲ ଛକ-ଜେଲରୋଡ ପୋଖରୀ ନିକଟରେ) ଥିବା ସେପରି ଏକ ଟ୍ରାନ୍ସଫର୍ମର ନିକଟରେ ମଙ୍ଗଳବାର ଏକ ଗାଈ ଚରୁଥିଲା ା ସେହି ଗାଈଟି ହଠାତ୍ ଖୋଲାରେ ରହିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ଯାଇଥିଲାା ଏହାଦେଖି ଖଣ୍ଡପଡ଼ା ଅଞ୍ଚଳର ଜୟରାମ ଦାସ ନାମକ ଜଣେ ଯୁବକ ତତ୍କାଳ ଗାଈଟିକୁ ଘଉଡାଇ ଦେଇଥିଲୋ ଏହି ଘଟଣା ପରେ ସେଠାରେ ଜନ ଅସନ୍ତୋଷ ପ୍ରକାଶ ପାଇଥିଲା ା
ନିୟମାନୁସାରେ ଖୋଲାରେ ଥିବା ସବ୍ଷ୍ଟେଶନ ଓ ଟ୍ରାନ୍ସଫର୍ମର ଚତୁଃପାର୍ଶ୍ୱରେ ସୁରକ୍ଷା ପ୍ରାଚୀର କିମ୍ବା ତାରବାଡ ନିର୍ମାଣ କରାଯିବା କଥା ା ସେହିପରି ବିଦ୍ୟୁତ୍ ସରବରାହ ହେଉଥିବା ୩ ଫେଜ ତାର ଭୂମିପତନଠାରୁ ମାତ୍ର ୩/୪ଫୁଟ ଉଚ୍ଚରେ ଖୋଲାରେ ରହିଥିବାରୁ ସର୍ବଦା ବିପଦ ଲାଗି ରହିଛିା ସାମାନ୍ୟ ଅସାବଧାନ ହେଲେ ଟ୍ରାନ୍ସଫର୍ମରେ ସଂଯୋଗ ହୋଇଥିବା ୩ ଫେଜ ବିଦ୍ୟୁତ ତାର ସଂସ୍ପର୍ଶରେ ଆସି ଯେ କେହି ମୃତ୍ୟୁ ମୁଖରେ ପଡିବାର ଆଶଙ୍କା ରହିଛି ା ସେଥିପାଇଁ ଟ୍ରାନ୍ସଫର୍ମର ଚତୁଃପାର୍ଶ୍ୱରେ ସୁରକ୍ଷା ପ୍ରାଚୀର ଦେବାକୁ ବିଭାଗୀୟ କର୍ତ୍ତୃପକ୍ଷଙ୍କୁ ବାରମ୍ବାର ଦାବି ହୋଇଆସୁଥିଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଉନାହଁି ା ବିଭାଗୀୟ କର୍ତ୍ତୃପକ୍ଷ ଏଦିଗରେ ବିହିତ ପଦକ୍ଷେପ ନେବାକୁ ସାଧାରଣରେ ଦାବି ହୋଇଛି ା ଏସମ୍ପର୍କରେ ଖଣ୍ଡପଡ଼ା ଉପଖଣ୍ଡ ସହକାରୀ ଯନ୍ତ୍ରୀ ଅନିଲ କୁମାର ସାହୁଙ୍କ ସହ ଯୋଗାଯୋଗ କରିବାରେ ଯେଉଁ ଟ୍ରାନ୍ସଫର୍ମର ଅଧିକ ବିପଦ ସୃଷ୍ଟି କରିବାର ଆଶଙ୍କା ରହିଛି ସେଠାରେ ତାରବାଡ଼ କିମ୍ବା ସୁରକ୍ଷା ପ୍ରାଚୀର ପର୍ଯ୍ୟାୟ କ୍ରମେ ନିର୍ମାଣ କରାଯିବ ା ଏଥିପାଇଁ ବିଭାଗ ପକ୍ଷରୁ ପଦକ୍ଷେପ ନିଆଯାଇଛି ବୋଲି କହିଛନ୍ତି ା
