ଭଦ୍ରକ ଅଫିସ,୪ା୫: ସୁରଟରୁ ଭଦ୍ରକ ଜିଲା ତିହିଡ଼ି ଅଞ୍ଚଳକୁ ବସ୍ରେ ଫେରିବାବେଳେ ନାଗପୁରଠାରେ ପ୍ରସବ ଯନ୍ତ୍ରଣା ହେବାରୁ ଜଣେ ମହିଳାଙ୍କ ପାଇଁ ବସ୍ ଅଟକି ଥିଲା। ରାସ୍ତାପାର୍ଶ୍ୱରେ ସନ୍ତାନ ପ୍ରସବ କରିବା ପରେ ଏକ ଆମ୍ବୁଲାନ୍ସରେ ନିକଟରେ ଥିବା ମେଡିକାଲକୁ ତାଙ୍କ ସ୍ବାମୀ ନେଇଥିଲେ। ବସ୍ ଅପେକ୍ଷା ନ କରି ଚାଲିଆସିଲା l ତିହିଡ଼ି କୁବେରା ଗାଁର ସୁଶାନ୍ତ ବେହେରା ଓ ସ୍ତ୍ରୀ ଡଲିଲତା ବଳଙ୍କ ସହ ଶିଶୁ ସୁସ୍ଥ ଥିବା ଜଣାପଡ଼ିଛି। ସେମାନଙ୍କ ପାଖରେ ଟଙ୍କାଟିଏ ନାହିଁ, ୭ହଜାର ଟଙ୍କା ଦେଇ ଟିକେଟ୍ କରିଥିଲେ। ସେଠାରୁ ଭଦ୍ରକ ତିହଡ଼ି ଆସିବା ବ୍ୟବସ୍ଥା ପାଇଁ ସେମାନଙ୍କ ପାଖରେ ଟଙ୍କାଟିଏ ନ ଥିବାରୁ ରାଜ୍ୟ ସରକାର ଓ ଭଦ୍ରକ ପ୍ରଶାସନକୁ ଅନୁରୋଧ କରିଛନ୍ତି ସୁଶାନ୍ତ।