ଆଠମଲ୍ଲିକ/ଛେଣ୍ଡିପଦା, ୨୯।୩(ଡି.ଏନ.ଏ.) – ଲକ୍ଡାଉନ ଯୋଗୁ ଅନୁଗୋଳ ଜିଲା ଆଠମଲ୍ଲିକ ଓ ଛେଣ୍ତିପଦା ବ୍ଲକର ଶତାଧିକ ଦାଦନ ସୁରଟରେ ଫସି ରହିଛନ୍ତି। ଟଙ୍କା ଅଭାବରୁ ସେମାନେ ଖାଇବାକୁ ପାଉ ନ ଥିବା ଏକ ଭିଡିଓରେ ଜଣାଇଛନ୍ତି। ଆଠମଲ୍ଲିକ ବ୍ଲକ କନ୍ତପଡା ପଞ୍ଚାୟତ ଗୋପୀନାଥପୁରର ୫ଜଣ, କନ୍ତପଡାର ୩, ହାତୀଗଞ୍ଜର ୫, କଦଳୀବେରଣୀର ୩, ଛେଣ୍ତିପଦା ବ୍ଲକ କୋଠଭୂଇଁ ପଞ୍ଚାୟତ ଡଲାସିଂହା ଗ୍ରାମର ୪, କୋଠଭୂଇଁର ୨, ଦଣ୍ଡାବାହାଳର ୧, ଜରପଡାର ୪, ପରାର ୧୬, କଞ୍ଜରାର ୫, ବଡହିଂସର ୭ଜଣ, ପୁଟଗାଡିଆର ୧, ବରପଦାର ୨, ଶରଧାପୁରର ୩, ବିମଳବେଡାର ୨, ନାଉପଦାର ଜଣଙ୍କ ସହ ଆହୁରି ଅନେକ ଶ୍ରମିକ ଅଟକି ରହିଛନ୍ତି। ସେହିପରି ଡିପ୍ଲୋମା ସରିବା ପରେ ତାଲିମ ପାଇଁ ପଶ୍ଚିମବଙ୍ଗ ଯାଇଥିବା ୨ ଛାତ୍ର ଡଙ୍ଗାପାଳର ଲୁଲୁ ଗଡନାୟକ ଓ ଖମାରର ଦେବପ୍ରସାଦ ମାଝି ଫସି ରହିଛନ୍ତି। ରାଜ୍ୟ ସରକାର ସେମାନଙ୍କୁ ଉଦ୍ଧାର କରିବାକୁ ଶ୍ରମିକମାନେ ନିବେଦନ କରିଛନ୍ତି।