ଜୟପୁର/ବୋରିଗୁମ୍ମା:୨ା୯(ନି.ପ୍ର./ଡି.ଏନ୍.ଏ.):ମାଟ୍ରିକ୍ରେ ଦ୍ୱିତୀୟ ଶ୍ରେଣୀରେ ପାସ୍ କରିଥିଲେ ସୁଲତା ଗୋଲରୀ। ବାପା ଅଟୋ ଚଳାଉଥିଲେ। କିନ୍ତୁ ହଠାତ୍ ସେ ଅସୁସ୍ଥ ହୋଇ ଘରେ ରହିବା ପରେ ପରିବାର ପେଟ ପୋଷିବା ପାଇଁ ସେହି ଅଟୋର ଷ୍ଟିଅରିଂ ନିଜ ହାତକୁ ନେଇ ଯାଇଥିଲେ ଏହି ଆଦିବାସୀ ଝିଅ। ପ୍ରଥମେ ହସଥଟ୍ଟା ଶୁଣିବାକୁ ମିଳୁଥିଲା। କିନ୍ତୁ ପରେ ଅନ୍ୟମାନଙ୍କ ପାଇଁ ଉଦାହରଣ ସାଜିଥିବା କୋରାପୁଟ ଜିଲା ବୋରିଗୁମ୍ମା ବ୍ଲକ କମତା ଗ୍ରାମର ସୁଲତା ଏବେ ସମ୍ଭବତଃ ଦକ୍ଷିଣ ଓଡ଼ିଶାର ପ୍ରଥମ ମହିଳା ଅଟୋ ଚାଳକ ପାଲଟି ଯାଇଛନ୍ତି।
ମା’-ବାପା, ୩ ଭାଇ ଭଉଣୀଙ୍କୁ ନେଇ ୨୦ ବର୍ଷୀୟା ସୁଲତାଙ୍କ ପରିବାର। ଘରର ଆର୍ଥତ୍କ ସ୍ଥିତି ଭଲ ନ ଥିଲା। ବାପାଙ୍କ ଅସୁସ୍ଥତା ପାଇଁ ସେ ବର୍ଷକ ତଳେ ପ୍ରଥମେ ଅଟୋ ଚଳାଇବା ଆରମ୍ଭ କରିଥିଲେ। ମିଳିଥିଲା ୪୦ ଟଙ୍କା। ଏବେ ସେ ଅଟୋ ଚଳାଇବା ସହ ପ୍ରତିଦିନ କାମତାରୁ ବୋରିଗୁମ୍ମା ଯାଏ ଯାତ୍ରୀଙ୍କୁ ନେବା ଆଣିବା କରୁଛନ୍ତି। ପ୍ରଥମେ ଯେତେବେଳେ ସେ ଅଟୋ ଚଳାଉଥିଲେ ଅନ୍ୟ ଅଟୋ ଡ୍ରାଇଭରମାନେ ତାଙ୍କୁ ଥଟ୍ଟା କରୁଥିଲେ। କିନ୍ତୁ ଏବେ ଯାତ୍ରୀମାନେ ସୁଲତାଙ୍କ ଅଟୋରେ ଯିବାକୁ ପସନ୍ଦ କରୁଛନ୍ତି। ଅଟୋରୁ ଏବେ ଯାହା ରୋଜଗାର ହେଉଛି, ସେଥିରେ ତାଙ୍କ ପରିବାର ଚଳୁଛି। ଦ୍ୱିତୀୟ ଶ୍ରେଣୀରେ ମାଟ୍ରିକ ପାସ୍ କରିଥିବା ସୁଲତା ପାଠ ପଢ଼ିବାକୁ ଇଚ୍ଛା କରୁଥିଲେ ମଧ୍ୟ ଅର୍ଥ ସେଥିରେ ବାଧକ ସାଜିଥିଲା। ଆର୍ଥତ୍କ ଅସ୍ବଚ୍ଛଳତା ସତ୍ତ୍ୱେ ଅନ୍ୟ ଆଗରେ ମୁଣ୍ଡ ନୁଆଁଇବା ଅପେକ୍ଷା ସେ ନିଜେ ପରିଶ୍ରମ କରି ବଞ୍ଚତ୍ବାକୁ ଶ୍ରେୟ ମନେ କରିଥିଲେ। ତେବେ ସୁଯୋଗ ମିଳିଲେ ଆଗକୁ ଆହୁରି ପଢ଼ିବେ ବୋଲି ସୁଲତା କହିଛନ୍ତି।