ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ପରେ ପୁରା ବଲିଉଡ୍ଜଗତ ସ୍ତବ୍ଦ ହୋଇପଡ଼ିଛି। ସମସ୍ତେ ନିଜ ନିଜ ଶୈଳୀରେ ତାଙ୍କୁ ଶ୍ରଦ୍ଧାଞ୍ଜଳି ଜଣାଉଛନ୍ତି। କେହି ତାଙ୍କ ସହ ବିତାଇଥିବା ସମୟକୁ ମନେ ପକାଉଛନ୍ତି ତ ଆଉ କେହି ସୋସିଆଲ ମିଡିଆରେ ସୁଶାନ୍ତଙ୍କୁ ନେଇ ନିଜ ହୃଦୟର କଥା କହୁଛନ୍ତି। ଏହି କ୍ରମରେ ଅଭିନେତ୍ରୀ ଶ୍ରଦ୍ଧା କପୁର ସୁଶାନ୍ତଙ୍କୁ ମନେ ପକାଇ ଏକ ଭାବୁକ ପୋଷ୍ଟ ଶେୟାର କରିଛନ୍ତି। ସୁଶାନ୍ତ ଜଣେ ଭଲ ସହ କଳାକାର ସାଙ୍ଗକୁ ଅଦ୍ଭୁତ ବ୍ୟକ୍ତି ଥିଲେ ବୋଲି ଶ୍ରଦ୍ଧା କହିଛନ୍ତି। ବିଗତ ଦିନରେ ଯାହା ସବୁ ଘଟିଛି ତାକୁ ସ୍ବୀକାର କରିବାକୁ ଏବଂ ସେଥିରୁ ବାହାରିବାକୁ ମୁଁ ମଧ୍ୟ ଚେଷ୍ଟା କରୁଛି। ମାତ୍ର ଏହା ବହୁତ କଷ୍ଟକର। ମନେହେଉଛି ଯେମିତି ଗୋଟିଏ ବଡ଼ ଶୂନ୍ୟସ୍ଥାନ ହୋଇଯାଇଛ ବୋଲି ଶ୍ରଦ୍ଧା କହିଛନ୍ତି। ସେ ସବୁବେଳେ ଅନ୍ୟର ଚିନ୍ତା କରୁଥିଲେ ଏବଂ ସେମାନଙ୍କୁ ଖୁସିରେ ଦେଖିବାକୁ ଚାହୁଁଥିଲେ।
