ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ନାନା ଚର୍ଚ୍ଚା ହେଉଛି। ସହଜରେ ତାଙ୍କ ମୃତ୍ୟୁକୁ ପ୍ରଶଂସକମାନେ ଗ୍ରହଣ କରିପାରୁନାହାନ୍ତି। ସମସ୍ତେ ଜାଣିବାକୁ ଚାହୁଁଛନ୍ତି ସେ କାହିଁକି ଏଭଳି ଚରମ ପଦକ୍ଷେପ ନେଲେ। ତେଣୁ ତାଙ୍କୁ ବ୍ୟକ୍ତିଗତ ଭାବେ କିଏ କେତେ ଜାଣିଛି ସେ ବିଷୟରେ ଖୋଳତାଡ଼ ଆରମ୍ଭ ହୋଇଛି। ଏବେ ଗ୍ରାଫୋଲୋଜିଷ୍ଟ ଏବଂ ଗ୍ରାଫୋଲୋଜି ରିସର୍ଚ୍ଚ ଇନଷ୍ଟିଚ୍ୟୁଟ୍ରେ ତାଙ୍କ ହାତ ଲେଖାକୁ ନେଇ ବିଶ୍ଳେଷଣ ଚାଲିଛି। କାରଣ କେତେକ ହାତଲେଖା ମଧ୍ୟ ମାନସିକ ଦୁଃଶ୍ଚିନ୍ତା ଜାଣିବାରେ ସହାୟକ ହୋଇଥାଏ। ତେବେ ତାଙ୍କ ହସ୍ତଲେଖାରୁ ଜାଣନ୍ତୁ କିଛି କଥା…
– ଛୋଟ ଆକାର ହାତଲେଖା କହୁଛି ସେ ଜଣେ ଚିନ୍ତାଧାରା ବ୍ୟକ୍ତି ଏବଂ ତାଙ୍କର ବିଶ୍ଳେଷଣାତ୍ମକ ମନ ଥିଲା।
– ତାଙ୍କର ଛୋଟ କେସ ଅକ୍ଷର ‘H’, ‘D’, ‘T’ ଲମ୍ବା ଅଟେ । ‘P’ ଏବଂ ‘H’ ଅକ୍ଷର କୁହେ ସେ ଜଣେ ଆଧ୍ୟାତ୍ମିକ ଏବଂ ବହୁତ ସାହାଯ୍ୟକାରୀ ଥିଲେ।
– ଯେତେବେଳେ ଜଣେ ବ୍ୟକ୍ତି ବହୁ ଚାପରେ ରହି କିଛି ଲେଖିଥାଏ ଏହା ଦର୍ଶାଏ ଯେ, ବ୍ୟକ୍ତ ଜଣକ ଅତ୍ୟନ୍ତ ନିିର୍ଣ୍ଣୟକାରୀ। କିନ୍ତୁ ପରିବର୍ତ୍ତନ ସହିତ ଖାପ ଖୁଆଇବା ପାଇଁ ନମନୀୟ ନୁହେଁ। ସେମାନେ ଯାହା ଚାହିଁଥାନ୍ତି ତାହା ହାସଲ କରିବାର ଆବଶ୍ୟକତା ଅତ୍ୟନ୍ତ ତୀବ୍ର ହୋଇଯାଏ। ଯଦି ତାହା ସେମାନଙ୍କୁ ନ ମିଳେ ସେ ମାନସିକସ୍ତରରେ ଖୁବ୍ ଆଘାତ ପାଇଥାନ୍ତି।