ମୁମ୍ବାଇ: ରୋହିତ ସେଟ୍ଟୀଙ୍କ ଅପ୍ କମିଂ ଫିଲ୍ମ ‘ସୂର୍ଯ୍ୟବଂଶୀ’ର ନୂଆ ପୋଷ୍ଟର ଗୁରୁବାର ଶେୟାର କରିଛନ୍ତି ବଲିଉଡ୍ କୁଇନ୍ କ୍ୟାଟ୍ରିନା କୈଫ। ସେ ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଏହାକୁ ଶେୟାର କରିଛନ୍ତି। ଏଥିରେ ବଲିଉଡ୍ ଖିଲାଡି ବୟ ପୋଲିସ ପୋଷାକରେ ଥିବା ବେଳେ ତାଙ୍କ ମୁହଁରେ ବ୍ୟସ୍ତତାର ଭାବ ପ୍ରକାଶ ପାଇଛି। ଆଉ ସେ କ୍ୟାଟ୍ରିନାଙ୍କୁ ଆଲିଙ୍ଗନ କରିଛନ୍ତି। ‘ଭାରତ’ ନାୟିକା କ୍ୟାଟ୍ରିନା ଏଥିରେ ଅକ୍ଷୟଙ୍କ ସହ ରୋମାନ୍ସ କରୁଥିବା ନଜର ଆସିବେ। ବୁଧବାର ଏହାର ବହୁପ୍ରତିକ୍ଷୀତ ଟ୍ରେଲର ରିଲିଜ୍ ହୋଇଥିବା ବେଳେ ଦର୍ଶକେ ଏହାକୁ ବେଶ୍ ପସନ୍ଦ କରିଛନ୍ତି। ମାର୍ଚ୍ଚ ୨୪ରେ ଏହା ପରଦାକୁ ଆସିବ ବୋଲି ଜଣାପଡିଛି।
