ନୂଆଦିଲ୍ଲୀ,୧।୫: ଦିଲ୍ଲୀରେ କରୋନା ଭାଇରସ୍ ସଂକ୍ରମଣ ତୀବ୍ରଗତିରେ ବଢ଼ିବାରେ ଲାଗିଛି। ଏଠାରେ ଏପର୍ଯ୍ୟନ୍ତ ୩୫୦୦ରୁ ଊର୍ଦ୍ଧ୍ୱ ଲୋକ ସଂକ୍ରମିତ ହୋଇସାରିଲେଣି। ଏହିକ୍ରମରେ ସେଣ୍ଟ୍ରାଲ ଦିଲ୍ଲୀର ଜିଲାପାଳ ନିଧି ଶ୍ରୀବାସ୍ତବଙ୍କ ଡ୍ରାଇଭର କରୋନା ପଜିଟିଭ୍ ହୋଇଥିବା ଜଣାପଡ଼ିଛି। ଏହାପରେ ସହରରେ ଆତଙ୍କ ଖେଳିଯାଇଛି। ସୂଚନାଯୋଗ୍ୟ, ଜିଲାପାଳ ଶ୍ରୀବାସ୍ତବଙ୍କ କାର୍ଯ୍ୟାଳୟ ପୁରୁଣା କୋତଓ୍ବାଲି ଅଞ୍ଚଳର ଦରିଆଗଞ୍ଜରେ ଥିବା ବେଳେ ଡ୍ରାଇଭରଙ୍କ ଘର ଉତ୍ତର-ପୂର୍ବ ଦିଲ୍ଲୀର ଶାସ୍ତ୍ରୀ ନଗର ଅଞ୍ଚଳରେ। ଶୁକ୍ରବାର ତାଙ୍କ ରିପୋର୍ଟ ପଜିଟିଭ୍ ଆସିବା ପରେ ସେ ବର୍ତ୍ତମାନ ଘରେ ଅଛନ୍ତି। ଖୁବ୍ଶୀଘ୍ର ତାଙ୍କୁ କେଉଁ ହସ୍ପିଟାଲରେ ଭର୍ତ୍ତି କରାଯିବ ସେନେଇ ଦିଲ୍ଲୀ ସରକାର ନିଷ୍ପତ୍ତି ନେବେ। ସୁରକ୍ଷା ଦୃଷ୍ଟିରୁ ଡ୍ରାଇଭରଙ୍କ ପରିବାର ଲୋକଙ୍କୁ ଯାଞ୍ଚ କରାଯିବ। ଏଥିସହ ଯେଉଁମାନେ ତାଙ୍କ ସଂସ୍ପର୍ଶରେ ଆସିଛନ୍ତି ସେମାନଙ୍କୁ ଟ୍ରାକ୍ କରି କ୍ୱାରାଣ୍ଟାଇନ୍ରେ ରଖାଯିବ। ଏତଦ୍ ବ୍ୟତୀତ ଜିଲାପାଳଙ୍କ କାର୍ଯ୍ୟାଳୟକୁ ଖୁବ୍ଶୀଘ୍ର ସାନିଟାଇଜ୍ କରାଯିବ ବୋଲି ସୂଚନା ରହିଛି।