ଶ୍ରୀନଗର, ୨୪।୫: ଜମ୍ମୁ-କାଶ୍ମୀରରରେ ଭାରତୀୟ ସେନାକୁ ସଫଳତା ମଳିଛି। ଭାରତୀୟ ସେନା ଦକ୍ଷିଣ କଶ୍ମୀରର ତ୍ରାଲରେ ଲୁଚି ରହିଥିବା ମୋଷ୍ଟ ୱାଣ୍ଟେଡ ଆତଙ୍କୀ ଜାକିର ମୁସାକୁ ଏନକାଉଣ୍ଟରେ ନିହତ ହୋଇଛି। ପୁଲୱାମାର ତ୍ରାଲରେ ମୁସା ଲୁଚି ରହିଥିବା ଭାରତୀୟ ସେନା ଖବର ପାଇଥିଲା। ଜମ୍ମୁ-କଶ୍ମୀର ପୋଲିସର ସ୍ପେଶାଲ ଅପରେଶନ ଗ୍ରୁପର ୪୨ ରାଷ୍ଟ୍ରୀୟ ରାଇଫଲ ଏବଂ ସେଣ୍ଟ୍ରାଲ ରିଜର୍ଭ ପୁଲିସ କର୍ମୀର ଯବାନ ଏଠାରେ ସର୍ଚ୍ଚ ଅପରେଶନ ଆରମ୍ଭ କରି ଦେଇଥିଲେ। ସୂଚନାଯୋଗ୍ୟ, ପୋଲିସ ମୁସାକୁ ଆତ୍ମସମର୍ପଣ କରିବାକୁ ନିର୍ଦ୍ଦେଶ ଦେଇଥିଲେ। କିନ୍ତୁ ସୁରକ୍ଷାକର୍ମୀଙ୍କୁ ନିର୍ଦ୍ଦେଶ ଅବମାନନା କରି ମୁସା ଅଧିକାରୀଙ୍କ ଉପରେ ଗ୍ରେନେଡ ମାଡ କରି ଖସି ପଳାଇବାକୁ ଚେଷ୍ଟା କରିଥିଲା। ଆତଙ୍କୀ ସଂଗଠନ ଅନସାର୍ ଗଜାୱତ୍ ହିନ୍ଦର ମୁଖ୍ୟ ମୁସାକୁ ସୁରକ୍ଷା ଏଜେନ୍ସି ଦୀର୍ଘଦିନ ହେବ ସେନା ସନ୍ଧାନ କରୁଥିଲା।