ଜମ୍ମୁ-କଶ୍ମୀର,୧୯।୮: ହିମାଚଳ ପ୍ରଦେଶ, ଉତ୍ତରାଖଣ୍ଡ, ଜମ୍ମୁରେ ପ୍ରାୟ ସମସ୍ତ ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଥିବା ବେଳେ ଏଥିରେ ଭାରତୀୟ ବାୟୁସେନାର ସାହସିକତା କାର୍ଯ୍ୟ ଦେଖିବାକୁ ମିଳିଛି। ଏବେ ଜମ୍ମୁରୁ ଆସିଥିବା ଏକ ଭିଡିଓ ଦେଖିଲେ ଚମକିଲା ଭଳି ଲାଗୁଛି। କାରଣ ହଠାତ୍ ତାବି ନଦୀରେ ଜଳସ୍ତର ବୃଦ୍ଧି ପାଇଥିବା ବେଳେ ଏହା ମଧ୍ୟରେ ୨ଜଣ ବ୍ୟକ୍ତି ଫସି ରହିଯାଇଥିଲେ। ଏହି ଖବର ପାଇବା ପରେ ବାୟୁସେନା ହେଲିକପ୍ଟର ଏମାନଙ୍କୁ ଉଦ୍ଧାର କରିବାକୁ ପହଞ୍ଚିଥିଲା। ଆଉ ଜୀବନକୁ ବାଜି ଲଗାଇ ଯବାନମାନେ ଉକ୍ତ ବ୍ୟକ୍ତିଙ୍କୁ ଉଦ୍ଧାର କରିଥିଲେ। ସେହି ଉଦ୍ଧାର ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
