ମୁମ୍ବାଇ,୨୧-୯: ଅର୍ଥନୀତି ଅଭିବୃଦ୍ଧି ଲକ୍ଷ୍ୟରେ ଅର୍ଥମନ୍ତ୍ରୀ ନିର୍ମଳା ସୀତାରାମନ୍ଙ୍କ ପକ୍ଷରୁ ଶୁକ୍ରବାର କର୍ପୋରେଟ ଟିକସ ହ୍ରାସ ସମେତ ନିବେଶ ବୃଦ୍ଧି ଲାଗି କେତେକ ଘୋଷଣା କରାଯାଇଛି। ଏହାକୁ ଷ୍ଟକ୍ ମାର୍କେଟ ସକାରାମତ୍କ ଭାବେ ଗ୍ରହଣ କରିବାରୁ ବମ୍ବେ ଷ୍ଟକ୍ ଏକ୍ସଚେଞ୍ଜରେ ସେନ୍ସେକ୍ସ ଗୋଟିଏ ଦିନରେ ୧୯୨୧.୧୫ ପଏଣ୍ଟ ବୃଦ୍ଧି ପାଇଛି, ଯାହା କି ୧୦ ବର୍ଷରେ ସର୍ବବୃହତ ବୃଦ୍ଧି କୁହାଯାଉଛି। ଶୁକ୍ରବାର କାରବାର ଶେଷ ବେଳକୁ ସେନ୍ସେକ୍ସ ୩୮,୦୧୪.୬୨ରେ ଏବଂ ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ ନିଫ୍ଟି ୫୬୯.୪୦ ପଏଣ୍ଟ ବୃଦ୍ଧି ପାଇ ୧୧,୨୭୪ରେ ବନ୍ଦ ହୋଇଛି। ଫଳରେ ନିବେଶକ ଗୋଟିଏ ଦିନରେ ପ୍ରାୟ ୭ ଲକ୍ଷ କୋଟି ଟଙ୍କା ମାଲାମାଲ୍ ହୋଇଛନ୍ତି। ସୀତାରାମନ୍ଙ୍କ ଘୋଷଣା ଦ୍ୱାରା ଦେଶରେ ନିବେଶ ବଢ଼ିବ ଓ ନିଯୁକ୍ତି ସୃଷ୍ଟି ହେବ ବୋଲି ବିଶେଷଜ୍ଞମାନେ ମତପ୍ରକାଶ କରିଛନ୍ତି।