ସେବା ମହାବିଦ୍ୟାଳୟ ଛାତ୍ରଙ୍କୁ ଛାତ୍ରାବାସ ପ୍ରଦାନ ଦାବି : ଉଦ୍‌ଘାଟନ ପରେ ବି ଛାତ୍ରଙ୍କୁ ରହିବାକୁ ମିଳୁନି ଅନୁମତି

ବ୍ରହ୍ମପୁର ଅଫିସ,୧୮ା୭-ମହାରାଜା କୃଷ୍ଣଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟ ପରିସରରେ ଥିବା ସରକାରୀ ସେବା(ନର୍ସିଂ) ମହାବିଦ୍ୟାଳୟର ଛାତ୍ରଙ୍କୁ ଛାତ୍ରାବାସ ପ୍ରଦାନ କରାଯିବାକୁ ଦାବି ହୋଇଛି ା ଏନେଇ ଛାତ୍ରମାନେ ବୁଧବାର ମହାବିଦ୍ୟାଳୟ ଫାଟକ ସମ୍ମୁଖରେ ଧାରଣା ଦେଇଥିଲେ। ୨୦୦୯ରୁ ମହାବିଦ୍ୟାଳୟରେ ଆରମ୍ଭ ହୋଇଥିବା ପୁରୁଷ ନର୍ସିଂ ପାଠ୍ୟକ୍ରମରେ ଅଧ୍ୟୟନରତ ଛାତ୍ରଙ୍କ ପାଇଁ ଛାତ୍ରାବାସ ନିର୍ମାଣ ହୋଇଛି ା
ଗତ ସପ୍ତାହରେ ଏହାର ଉଦ୍‌ଘାଟନ ମଧ୍ୟ ସରିଛି ା କିନ୍ତୁ ଏଯାଏ ଛାତ୍ରାବାସରେ ରହିବାକୁ ଅନୁମତି ପ୍ରଦାନ କରାଯାଉ ନ ଥିବା ଆନ୍ଦୋଳନରତ ଛାତ୍ରମାନେ ଅଭିଯୋଗ କରିଛନ୍ତି ା
ସୂଚନା ପ୍ରକାରେ, ୨୦୦୯ରୁ ମହାବିଦ୍ୟାଳୟରେ ପୁରୁଷ ସେବା ପାଠ୍ୟକ୍ରମର ଶୁଭାରମ୍ଭ ହୋଇଛି। ବର୍ତ୍ତମାନ ଏହି ମହାବିଦ୍ୟାଳୟର ପୁରୁଷ ବେସିକ୍‌ ନର୍ସିଂରେ ୧୬, ପୋଷ୍ଟ ବେସିକ ନର୍ସିଂରେ ୮୭ ଏବଂ ଏମ୍‌ଏସ୍‌ସି ନର୍ସିଂ ପାଠ୍ୟକ୍ରମରେ ଜଣେ ଛାତ୍ର ଅଧ୍ୟୟନ କରୁଛନ୍ତି। ଏମାନଙ୍କ ରହିବାକୁ ଛାତ୍ରାବାସ ନିର୍ମାଣ ପାଇଁ ବହୁବାର ଦାବି ହୋଇଥିଲା ା
ଏହାପରେ ମହାବିଦ୍ୟାଳୟ ପରିସରରେ ଛାତ୍ରାବାସ ନିର୍ମାଣ ପାଇଁ ୨୦୧୭ ଫେବୃୟାରୀରେ ରାଜ୍ୟ ସରକାରଙ୍କ ସେବା ନିର୍ଦ୍ଦେଶାଳୟ ପକ୍ଷରୁ ଅନୁମତି ମିଳିଥିଲା। ଏବେ ୨୬୨.୨୭ ଲକ୍ଷ ଟଙ୍କା ବ୍ୟୟରେ ମହାବିଦ୍ୟାଳୟ ପରିସରରେ ୧୧ କୋଠରି ବିଶିଷ୍ଟ ଛାତ୍ରାବାସ ନିର୍ମାଣ କାର୍ଯ୍ୟ ମଧ୍ୟ ସରିିଛି। ଗତ ସପ୍ତାହରେ ଏହି ଛାତ୍ରାବାସର ଉଦ୍‌ଘାଟନ ମଧ୍ୟ ହୋଇଛି ା ତଥାପି ଏଯାଏ ରହିବାକୁ ଅନୁମତି ପ୍ରଦାନ କରାଯାଇ ନ ଥିବା ଛାତ୍ରମାନେ କହିଛନ୍ତି। ସନ୍ଧ୍ୟାରେ ବ୍ରହ୍ମପୁର ଉପଜିଲାପାଳ ଦିଗନ୍ତ ରାଉତରାୟ ଆନ୍ଦୋଳନସ୍ଥଳରେ ପହଞ୍ଚି ଛାତ୍ରଙ୍କ ସହ ଆଲୋଚନା କରିଥିଲେ ା ଦାବି ସମ୍ପର୍କରେ ଜିଲାପାଳଙ୍କୁ ଅବଗତ କରାଇବା ନେଇ ସେ କହିଥିଲେ ା କିନ୍ତୁ ଦାବି ପୂରଣ ଦିଗରେ ପ୍ରତିଶ୍ରୁତି ଦେବାରେ ଉପଜିଲାପାଳ ଅସମର୍ଥ ହୋଇଥିଲେ ା
ଫଳରେ ଗୁରୁବାର ପୁଣି ଆନ୍ଦୋଳନ ବଳବତ୍ତର ରଖିବାକୁ ନିଷ୍ପତ୍ତି ନେଇଥିବା ଛାତ୍ରମାନେ କହିଛନ୍ତି ା ଅନ୍ୟପକ୍ଷରେ ମହାବିଦ୍ୟାଳୟ ଅଧ୍ୟକ୍ଷା ପ୍ରଫେସର ରାଜଲକ୍ଷ୍ମୀ ମିଶ୍ର ଛାତ୍ରାବାସ ନିର୍ମାଣ ଓ ଉଦ୍‌ଘାଟନକୁ ଅସ୍ବୀକାର କରିଛନ୍ତି ା
ବର୍ତ୍ତମାନ ଛାତ୍ରାବାସ ନିର୍ମାଣ ପାଇଁ ରାଜ୍ୟ ସରକାରଙ୍କ ନିକଟକୁ ପ୍ରସ୍ତାବ ପଠାଯାଇଛି ା ପ୍ରସ୍ତାବ ଗୃହୀତ ହେବା ପରେ ଛାତ୍ରାବାସ ନିର୍ମାଣ କରାଯାଇ ଛାତ୍ରମାନଙ୍କୁ ସ୍ଥାନାନ୍ତର କରାଯିବ ବୋଲି ଅଧ୍ୟକ୍ଷା କହିଛନ୍ତି ା ସେବାଛାତ୍ରଙ୍କ ଏହି ଆନ୍ଦୋଳନକୁ ଅଲ ଇଣ୍ଡିଆ ଡିଏସ୍‌ଓ ପୂର୍ଣ୍ଣମାତ୍ରରେ ସମର୍ଥନ ଜଣାଇଛି ା ମହାବିଦ୍ୟାଳୟ ନର୍ସିଂ ଛାତ୍ର କେଦାର ନାଥ ବେହେରା, ବିନୋଦ ନାୟକ, ଜଗନ୍ନାଥ ବେହେରା, ଅଭିଳାଷ ପାତ୍ର, ଦିବ୍ୟଲୋଚନ ପଣ୍ଡା, ସୌରଭ ସେଠୀ ଓ ପ୍ରଣବ ସାହୁଙ୍କ ସମେତ ସମସ୍ତ ଛାତ୍ର ଆନ୍ଦୋଳନରେ ସାମିଲ ହୋଇଥିଲେ ା