ଗ୍ଲାମର ଜଗତର ସେଲିବ୍ରିଟିମାନେ ବି ଅନ୍ଧବିଶ୍ୱାସର ବସବର୍ତ୍ତି ହୋଇଥାନ୍ତି। ବିଶ୍ୱାସ ହେଉନଥିଲେ ବି ଏହା ସତ। ତେବେ ବି-ଟାଉନର କିଛି ସେଲିବ୍ରିଟିଙ୍କର କ’ଣ ସବୁ ଅନ୍ଧବିଶ୍ୱାସ ରହିଛି ସେ ସମ୍ପର୍କରେ ଜାଣିବା…
* ବିଗ୍ ବି ଅମିତାଭ ବଚ୍ଚନଙ୍କ ଇଂଲିଶ ଅକ୍ଷର ‘ଏ’କୁ ନେଇ ରହିଛି ଅନ୍ଧବିଶ୍ୱାସ। ‘ଏ’ ଅକ୍ଷର ତାଙ୍କ ପାଇଁ ଶୁଭ ବୋଲି ସେ ବିଶ୍ୱାସ କରନ୍ତି। ତେଣୁ ସେ ନିଜ ନାତୁଣୀଙ୍କ ନାମ ଏ’ଅକ୍ଷରରୁ‘ ରଖିଛନ୍ତି ଆରାଧ୍ୟା’।
* କିଙ୍ଗ ଖାନ ଶାହାରୁଖଙ୍କ ‘୫୫୫’ ନମ୍ବରକୁ ନେଇ ଅନ୍ଧବିଶ୍ୱାସ ରହିଛି। ଶାହାରୁଖଙ୍କ ପ୍ରତ୍ୟେକ ଗାଡିର ନମ୍ବର ପ୍ଲେଟ ଏବଂ ମୋବାଇଲ ନମ୍ବରରେ ତିନୋଟି ୫ ଅବଶ୍ୟ ରହିଥାଏ।
* ଆଇପିଏଲରେ ନିଜ ଟିମ୍ର ମ୍ୟାଚ ଦେଖୁଥିବା ବେଳେ ସିଳ୍ପା ସେଟ୍ଟି କୁନ୍ଦ୍ରା ହାତରେ ଦୁଇଟି ଘଣ୍ଟା ପିନ୍ଧିଥାନ୍ତି। ଏହା ଟିମ୍ ପାଇଁ ଶୁଭଙ୍କର ବୋଲି ତାଙ୍କର ଅନ୍ଧବିଶ୍ୱାସ ରହିଛି।
*ବୋଲ୍ଡ ବିୟୁଟି ବିଦ୍ୟା ବାଲାନଙ୍କର ନାଲି ରଙ୍ଗକୁ ନେଇ ରହିଛି ଅନ୍ଧବିଶ୍ୱାସ। ସେ କୁହନ୍ତି ‘କାହାନୀ’ ଏବଂ ‘ଡାର୍ଟି ପିକ୍ଚର’ ହିଟ ହେବା ପଛରେ କାଳେ ସେ ଫିଲ୍ମରେ ପିନ୍ଧିଥିବା ନାଲିରଙ୍ଗ କଷ୍ଟ୍ୟୁମ୍ର ଅବଦାନ ରହିଛି।
* ଭାଇଜାନ ସଲମାନ ଖାନଙ୍କ ସାଫାୟର ବ୍ରେସଲେଟ୍ ହେଉଛି ତାଙ୍କ ଲକି ଚାର୍ମ। ବାପାଙ୍କ ଦ୍ୱାରା ପ୍ରଦତ୍ତ ଏହି ବ୍ରେସଲେଟ ଶୁଭ ବୋଲି ତାଙ୍କର ବିଶ୍ୱାସ ରହିଛି ।
*ସଞ୍ଜୁ ବାବା ଉର୍ଫ ସଞ୍ଜୟ ଦତ୍ତଙ୍କ ସଂଖ୍ୟା ୯କୁ ନେଇ ରହିଛି ଅନ୍ଧବିଶ୍ୱାସ। ୯ ସଂଖ୍ୟାଟି ତାଙ୍କ ପାଇଁ ଶୁଭ ବୋଲି ବିଶ୍ୱାସ କରି ସେ ନିଜ ଗାଡିର ନମ୍ବର ୪୫୪୫ ରଖିଥାନ୍ତି। ଯେହେତୁ ୪ ଏବଂ ୫ ର ସମ୍ମିଶ୍ରଣ ୯।
* ମିଷ୍ଟର ପରଫେକ୍ସନିଷ୍ଟ ଅମିର ଖାନଙ୍କ ଅନ୍ଧବିଶ୍ୱାସ ରହିଛି, ନିଜ ଫିଲ୍ମକୁ ଡିସେମ୍ବର ମାସରେ ରିଲିଜ କରିବା ପାଇଁ। ଏହା ଦ୍ୱାରା ଫିଲ୍ମଟି ବକ୍ସଅଫିସ୍ରେ ହିଟ ହୋଇଥାଏ ବୋଲି ତାଙ୍କର ବିଶ୍ୱାସ ରହିଛି।