ବଲିଉଡ୍ର ଏମିତି ଅନେକ ସେଲିବ୍ରିଟି ଅଛନ୍ତି ଯେଉଁମାନେ ନିଜ ପୋଷା ଜୀବକୁ ନେଇ ବେଶ୍ ଚର୍ଚ୍ଚାରେ ଥା’ନ୍ତି। ସୋସିଆଲ ମିଡିଆରେ ସେମାନଙ୍କ ଫ୍ୟାନ ଫଲୋୟର୍ସ ମଧ୍ୟ ଖୁବ୍ ଅଧିକ। ଆସନ୍ତୁ ଜାଣିବା ସେମିତି କିଛି ଲୋକପ୍ରିୟ ସେଲିବ୍ରିଟି ପେଟ୍ଙ୍କ ସମ୍ପର୍କରେ…
* ଲୋକପ୍ରିୟ ଅଭିନେତ୍ରୀ ଆଲିଆ ଭଟ୍ଟ ନିଜ ପୋଷା ବିଲେଇ ‘ଏଡବର୍ଡ’କୁ ନେଇ ସୋସିଆଲ ମିଡିଆରେ ବେଶ୍ ଚର୍ଚ୍ଚାରେ ଥା’ନ୍ତି। ୨୦୧୭ରେ ନିଜର ୨୪ ତମ ଜନ୍ମ ଦିନରେ ଆଲିଆ ନିଜ ପାଇଁ ଏହି ବିଲେଇଟି କିଣିଥିଲେ।
* ଦେଶୀ ଗର୍ଲ ପ୍ରିୟଙ୍କା ଚୋପ୍ରାଙ୍କ ପୋଷା କୁକୁର ‘ଡାଏନା’କୁ ତ ଏକ ସେଲିବ୍ରିଟି କହିଲେ ଚଳେ। ଡାଏନାର ଇନ୍ଷ୍ଟାଗ୍ରାମରେ ଏକ ପେଜ୍ ଥିବାବେଳେ ଏହାର ଫଲୋୟର ସଂଖ୍ୟା ୧ଲକ୍ଷରୁ ମଧ୍ୟ ଅଧିକ।
* ସୋନାକ୍ଷୀ ସିହ୍ନା ନିଜର ଜର୍ମାନ ଶେଫର୍ଡ ଡଗି ‘ବ୍ରାଜ’କୁ ନେଇ ଅନେକ ପ୍ରକାର ସେଲଫି ସୋସିଆଲ ମିଡିଆରେ ଶେୟାର କରୁଥିବାର ନଜର ଆସୁଛନ୍ତି। ଯାହାକୁ ଅନେକେ ଲାଇକ୍ ଏବଂ କମେଣ୍ଟ କରୁଥିବାର ଦେଖାଯାଉଛି।
* ସିଦ୍ଧାର୍ଥ ମାଲହୋତ୍ରା ନିଜର ସବୁଠାରୁ ବିଶ୍ୱସ୍ତ ସାଙ୍ଗ ଦର୍ଶାଇ ନିଜ ପୋଷା ବକ୍ସର କୁକୁର ‘ଓସ୍କାର’ର ଫଟୋ ସୋସିଆଲ ମିଡିଆରେ ଶେୟାର କରିଥାନ୍ତି।
* ଅନୁଷ୍କା ଶର୍ମାଙ୍କ ଲାବ୍ରାଡର ଡଗି ‘ଡ୍ୟୁଡ୍ ଶର୍ମା’ ସୋସିଆଲ ମିଡିଆରେ ବେଶ୍ ଲୋକପ୍ରିୟ। ଡ୍ୟୁଡ୍ ସହ ଅନୁଷ୍କା ଶର୍ମାଙ୍କ ଏକ ଭିଡିଓ ନିକଟରେ ବେଶ୍ ଭାଇରାଲ ମଧ୍ୟ ହୋଇଥିଲା।
* ଜନ ଆବ୍ରାହମ୍ ଦୁଇଟି ବୁଲା କୁକୁର ବେଲି ଏବଂ ସିୟାଙ୍କୁ ପୌଷ୍ୟ ଭାବେ ଗ୍ରହଣ କରି ବେଶ୍ ଚର୍ଚ୍ଚାରେ ଥିବା ବେଳେ ଏହି ଦୁଇଟି କୁକୁରର ଇନ୍ଷ୍ଟାଗ୍ରାମ ପେଜ୍ ମଧ୍ୟ ରହିଛି, ଯାହାର ୧୫ ହଜାର ଫଲୋୟର୍ସ ମଧ୍ୟ ରହିଛନ୍ତି।