ସୁପରହିଟ୍ ଫିଲ୍ମ ‘ବାହୁବଳୀ’ରେ ଦେବସେନା ଚରିତ୍ରରେ ଅଭିନୟ କରି ଦର୍ଶକଙ୍କ ହୃଦୟରେ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଥିବା ଅଭିନେତ୍ରୀ ହେଉଛନ୍ତି ଅନୁଷ୍କା ସେଠୀ। ତେବେ ଏହି ଅଭିନେତ୍ରୀଙ୍କ ସବୁଠାରୁ ଭଲ ବନ୍ଧୁ ହେଉଛନ୍ତି ଅଭିନେତା ପ୍ରଭାସ। କୌଣସି ଅସୁବିଧା ହେଲେ ରାତି ୩ ଟାରେ ମଧ୍ୟ ସେ ତାଙ୍କୁ ଫୋନ୍କରି ନିଜ ଅସୁବିଧା ବିଷୟରେ କହିପାରିବେ। ନିକଟରେ ଏକ ସାକ୍ଷାତ୍କାରରେ ଅନୁଷ୍କା ଏହା କହିଛନ୍ତି। ଆହୁରି ମଧ୍ୟ ସେ କହିଛନ୍ତି ଯେ, ୨୦୦୫ ମସିହାରେ ଯେତେବେଳେ ସେ ଡେବ୍ୟୁ ଫିଲ୍ମ ‘ସୁପର’ ର ଶୁଟିଂ ଆରମ୍ଭ ହୋଇଥିଲା, ସେତେବେଳେ ସେ ଶୁଟିଂ ଛାଡ଼ି ପଳାଇଯିବାକୁ ଚାହୁଁଥିଲେ। କାରଣ ସେ ସେତେବେଳେ କିଛି ବୁଝିପାରୁ ନ ଥିଲେ। ଏହା ବୁଝିବାକୁ ତାଙ୍କ ପ୍ରାୟ ୨ ବର୍ଷ ସମୟ ଲାଗିଥିଲା। ଲାଜକୁଳି ଝିଅ ଅନୁଷ୍କା କ୍ୟାମେରା ସମ୍ମୁଖରେ ନିଜକୁ ଅସହଜ ମନେ କରିଥାନ୍ତି। ଏହି କାରଣରୁ ସେ ସେଲ୍ଫି ନେଇ ନ ଥାନ୍ତି। ଏହି କାରଣରୁ ସୋସିଆଲ ମିଡିଆରେ ଅନ୍ୟମାନଙ୍କ ପରି ସେତେଟା ଆକ୍ଟିଭ୍ ନୁହନ୍ତି ବୋଲି ସେ କହିଛନ୍ତି।