ସୋନଭଦ୍ରା,୨୧।୭: ଜମି ବିବାଦକୁ ନେଇ ଉତ୍ତରପ୍ରଦେଶର ସୋନଭଦ୍ରାରେ ହୋଇଥିବା ନରସଂହାର ପରେ ରାଜନେତାମାନେ ଏଠାକୁ ଗସ୍ତ କରୁଥିବା ଦେଖିବାକୁ ମିଳିଛି। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରବିବାର ସୋନଭଦ୍ରାର ମୌରପୁର ପହଞ୍ଚିଛନ୍ତି। ଏଠାରେ ସେ ପୀଡିତ ପରିବାରଙ୍କୁ ଭେଟି କଥା ହେବାର କାର୍ଯ୍ୟକ୍ରମ ରହିଛି। ସୋନଭଦ୍ରା ହତ୍ୟାକାଣ୍ଡକୁ ନେଇ ରାଜନୀତି ଥମି ନ ଥିବା ବେଳେ ୨ଦିନ ତଳେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଏଠାକୁ ଗସ୍ତ କରିବା ସମୟରେ ପୋଲିସ ତାଙ୍କୁ ଅଟକାଇଥିଲା। ସେହିପରି ଯୋଗୀଙ୍କ ଗସ୍ତକୁ ମଧ୍ୟ ରବିବାର ସମାଜବାଦୀ ପାର୍ଟି କଳାପତାକା ଦେଖାଇ ବିରୋଧ ପ୍ରଦର୍ଶନ କରିଛି। ସୂଚନାଯୋଗ୍ୟ, ଜୁଲାଇ ୧୭ରେ ଜମି ବିବାଦକୁ ନେଇ ଏଠାରେ ହୋଇଥିବା ହତ୍ୟାକାଣ୍ଡ ପରେ ପରିସ୍ଥିତି ଅଣାୟତ ହେବାରୁ ପୋଲିସ ଲାଠିଚାର୍ଜ କରିବା ସହ ୧୪୪ ଧାରା ଜାରି କରାଯାଇଥିଲା।
