ସୋନଭଦ୍ର(ୟୁପି),୧୪ା୮(ପି.ଟି.): କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ମଙ୍ଗଳବାର ସୋନଭଦ୍ର ଜିଲାର ଉମ୍ଭା ଗଁା ଗସ୍ତକରି ଗଣହତ୍ୟାରେ ମୃତକଙ୍କ ପରିବାର ସଦସ୍ୟଙ୍କୁ ଭେଟିଛନ୍ତି। ମାସେ ତଳେ ଏକ ଜମି ବିବାଦକୁ କେନ୍ଦ୍ରକରି ସେଠାରେ ୧୦ ଆଦିବାସୀ ଲୋକଙ୍କୁ ଗୁଳିକରି ହତ୍ୟା କରାଯାଇଥିଲା। ପ୍ରିୟଙ୍କା ପୂର୍ବରୁ ହତ୍ୟାକାଣ୍ଡ ସ୍ଥଳକୁ ଯିବାବେଳେ ତାଙ୍କୁ ସେଠାକୁ ଯିବାକୁ ବାରଣ କରି ରାଜ୍ୟ ପ୍ରଶାସନ ମିର୍ଜାପୁରଠାରେ ଅଟକ ରଖିଥିଲା।
ପ୍ରିୟଙ୍କା ବାରାଣସୀଠାରୁ ୧୦୦ କି.ମି. ସଡକ ପଥରେ ଯାତ୍ରା କରି ସୋନଭଦ୍ର ଜିଲାର ଏହି ଗଁାକୁ ଯାଇଥିଲେ। ପ୍ରିୟଙ୍କାଙ୍କ ପ୍ରିୟଙ୍କା ଉକ୍ତ ଗଁାରେ ପହଞ୍ଚତ୍ଥିବାର ଫଟୋକୁ ୟୁପି କଂଗ୍ରେସ ଟୁଇଟ୍ କରିଛି। ଏହି ଗସ୍ତ ଦ୍ୱାରା ସେ ରାଜନୈତିକ କଟକଣାକୁ ଅବଜ୍ଞା କରିଛନ୍ତି ବୋଲି ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ ଦିନେଶ ଶର୍ମା ଅଭିଯୋଗ କରିଛନ୍ତି। ଉକ୍ତ ଗଁାରେ ଜଣେ ପୂର୍ବତନ ପ୍ରଧାନଙ୍କ ନେତୃତ୍ୱରେ କେତେକ ସଶସ୍ତ୍ର ଲୋକ ୧୦ ଗୋଣ୍ଡ ଆଦିବାସୀ ଲୋକଙ୍କୁ ଗୁଳିକରି ହତ୍ୟା କରିଥିଲେ। ଏହି ଆଦିବାସୀ ଲୋକମାନେ ଜୁଲାଇ ୧୭ରେ ଏକ ବିବାଦୀୟ ଜମିକୁ ନିଜ ନିୟନ୍ତ୍ରଣକୁ ନେବାକୁ ଉଦ୍ୟମ କରୁଥିବାବେଳେ ଏହି ହତ୍ୟାକାଣ୍ଡ ଘଟିଥିଲା।