ନୂଆଦିଲ୍ଲୀ,୧୩।୬: ଲୋକ ସଭା ନିର୍ବାଚନ ପରେ ପ୍ରଥମ ଥର ଲାଗି ରାୟବରେଲି ପହଞ୍ଚିଥିଲେ ଉପା ଅଧ୍ୟକ୍ଷା ସୋନିଆ ଗାନ୍ଧୀ ଓ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା। ସେଠାରେ ସେମାନେ ଭୋଟରଙ୍କୁ ଧନ୍ୟବାଦ ଦେବାକୁ ପହଞ୍ଚିଥିଲେ। ବୁଧବାର ଉଭୟେ କାର୍ଯ୍ୟକ୍ରମ ସାରି ନୂଆଦିଲ୍ଲୀ ଫେରିବାର ଥିଲା। ହେଲେ ଏମାନଙ୍କ ହେଲିକପ୍ଟର ଉଡାଇବାକୁ ମନା କରିଦେଇଥିଲେ ପାଇଲଟ୍। କାରଣ ଥିଲା ଖରାପ ପାଗ। ବର୍ଷା ପାଗ ଥିବାରୁ ଏମାନେ ହେଲିକପ୍ଟର ଉଡାଇ ଯାଇ ପାରିବେ ନାହିଁ ବୋଲି କହିଥିଲେ। ଫଳରେ ଏମାନେ ଗେଷ୍ଟ ହାଉଓରେ ରହିବାକୁ ବାଧ୍ୟ ହୋଇଥିଲେ।