ନୂଆଦିଲ୍ଲୀ,୨୪।୧୨: ନାଗରିକତ୍ୱ ସଂଶୋଧନ ଆଇନ(ସିଏଏ) ବିରୋଧରେ ସତ୍ୟାଗ୍ରହ କରି ଏବେ ଅଡ଼ୁଆରେ ପଡ଼ିଯାଇଛନ୍ତି ବିରୋଧୀ ଦଳ। ଏନେଇ କଂଗ୍ରେସ ଅସ୍ଥାୟୀ ଅଧ୍ୟକ୍ଷ ସୋନିଆ ଗାନ୍ଧୀ, ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଓ ଏଆଇଏମ୍ଆଇଏମ୍ ମୁଖ୍ୟ ଅସବୁଦ୍ଦିନ ଓଓ୍ବେସୀଙ୍କ ବିରୋଧରେ ଅଭିଯୋଗ ଆସିଛି। ମଙ୍ଗଳବାର ଆଲିଗଡର ସିଜେଏମ୍ କୋର୍ଟରେ ସେମାନଙ୍କ ନାଁରେ ଅଭିଯୋଗ କରାଯାଇଛି। ଏହି ଅଭିଯୋଗ ଓକିଲ ପ୍ରଦୀପ ଗୁପ୍ତା ଆଣିଛନ୍ତି। ସେ କହିଛନ୍ତି, ସିଏଏ ବିରୋଧରେ କଂଗ୍ରେସ ପ୍ରଥମରୁ ବିରୋଧ କରିଆସୁଥିବା ବେଳେ ସୋମବାର ରାଜଘାଟରେ ଏମାନେ ଆପତ୍ତିଜନକ ଟିପ୍ପଣୀ ଦେବା ସହ ଲୋକଙ୍କୁ ସିଏଏକୁ ବିରୋଧ କରିବା ଭଳି ଭାଷଣ ଦେଇଥିଲେ। ସେହିପରି ଓଓ୍ବେସୀ ମଧ୍ୟ ଏହାର ବିରୋଧ କରି ଲୋକଙ୍କୁ ଉସୁକାଉଥିବା ପ୍ରଦୀପ ଅଭିଯୋଗ ଆଣିଛନ୍ତି।