ଢେଙ୍କାନାଳ ଅଫିସ, ୧୯।୬- ଢେଙ୍କାନାଳ କୁଞ୍ଜକାନ୍ତସ୍ଥିତ ସୋମ୍ ହିରୋ ଶୋ’ରୁମ ପରିସରରେ ହିରୋ କମ୍ପାନୀ ପକ୍ଷରୁ ନୂତନ ଜ୍ଞାନକୌଶଳରେ ନିର୍ମିତ ୩ ବାଇକ୍ ଓ ସ୍କୁଟର ମଙ୍ଗଳବାର ଅପରାହ୍ନରେ ବଜାର ପ୍ରବେଶ ହୋଇଛି। ଏହି ଉପଲକ୍ଷେ ଆୟୋଜିତ ଉତ୍ସବରେ ଶୋ’ରୁମର ସ୍ବତ୍ତ୍ୱାଧିକାରୀ ହର୍ଷବର୍ଦ୍ଧନ ସିଂଦେଓ ଅଧ୍ୟକ୍ଷତା କରି ଏକ୍ସଟ୍ରିମ୍-୨୦୦ ଏସ୍, ଏକ୍ସପ୍ଲସ୍-୨୦୦ଟି ଏବଂ ମାଇଷ୍ଟ୍ରୋ-୧୨୫ ସିସି ବାଇକ୍ ଓ ସ୍କୁଟରକୁ ବଜାର ପ୍ରବେଶ କରାଇଥିଲେ।
ଏକ୍ସଟ୍ରିମ୍-୨୦୦ଏସ୍, ଏକ୍ସପ୍ଲସ୍-୨୦୦ଟି ନୂତନ ବାଇକରେ ବିଭିନ୍ନ ଜ୍ଞାନକୌଶଳ ରହିବା ସହିତ ନାଭିଗେସନ ସିଷ୍ଟମ, ବ୍ଲୁଟୁଥ୍ କନେକ୍ଟିଭିଟି ରହିଛି ା ଏହାଦ୍ୱାରା ଚାଳକ ନିଜର ଗନ୍ତବ୍ୟସ୍ଥଳ ସମ୍ପର୍କରେ ଜାଣିପାରିବେ। ମୋବାଇଲ କଲ ଆସିଲେ ମଧ୍ୟ ଜାଣିହେବ। ସେହିପରି ମାଇଷ୍ଟ୍ରୋ-୧୨୫ ସିସି ଏଫଆଇ ଟେକ୍ନୋଲୋଜି ଜ୍ଞାନକୌଶଳରେ ନିର୍ମିତ। ଏହା ଯୁବ ପିଢିଙ୍କ ଦ୍ୱାରା ଆଦୃତ ହେବ ବୋଲି ସୂଚନା ଦିଆଯାଇଛି।