କିଛି ଦିନ ତଳେ ସୋସିଆଲ ମିଡିଆରେ ଜଡ୍ ଜେସ୍ପର ନାମକ ଜଣେ ଯୁବକଙ୍କ ଫଟୋ ଭାଇରାଲ ହୋଇଥିଲା। ଫଟୋଟିରେ ଜେସ୍ପରଙ୍କ ପ୍ରେମିକା ମଧ୍ୟ ଥିଲେ। ହଙ୍ଗେରୀରେ ପ୍ରେମିକାଙ୍କ ସହ ଛୁଟି କଟାଉଥିବା ବେଳର ଉକ୍ତ ଫଟୋଟିକୁ ଯେ କେହି ଦେଖୁଥିଲା ଘଡ଼ିଏ ଅଟକି ଯାଉଥିଲା। ଆପଣ ମଧ୍ୟ ଫଟୋଟିକୁ ଦେଖି ଆଶ୍ଚର୍ଯ୍ୟ ହେଉଥିବେ ନିଶ୍ଚୟ।
ଜେସ୍ପରଙ୍କ ଫଟୋରେ ଯୁବତୀଜଣଙ୍କର ଦୁଇଟି ମୁଣ୍ଡ ଥିବା ପରି ମନେହେଉଛି। ଅନେକେ ଏହାକୁ ଫଟୋଶପ୍ କରି କରାଯାଇଥିବା ଅନୁମାନ କରିଥିଲେ। ମାତ୍ର ଏହା ଭୁଲ ବୋଲି ଜଣାପଡ଼ିଲା। ବାସ୍ତବରେ ପାନୋରମା ଶଟ୍ ଯୋଗୁ ଫଟୋଟି ଏପରି ହୋଇଛି। ତାଙ୍କ ଫୋନରେ ଥିବା ଓ୍ବାଇଡ୍ ସେଲ୍ଫି ସୁବିଧାରେ ଏହି ଶଟ୍ ରହିଛି। ଏହାକୁ ନେବା ବେଳେ ତାଙ୍କ ପ୍ରେମିକା ମୁଣ୍ଡକୁ ଘୁରାଇ ନେଇଥିଲେ। ଫଳରେ ଏଭଳି ଫଟୋ ଉଠି ଯାଇଥିଲା ବୋଲି ସେ କହିଛନ୍ତି।