ମୁମ୍ବାଇ: ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ଏବଂ ତାଙ୍କ ପରିବାର ସଦସ୍ୟ ଆଜିକାଲି କରୋନା ଭୂତାଣୁ ସମ୍ପର୍କିତ ଖବରକୁ ନେଇ ଚର୍ଚ୍ଚାରେ ଥିଲେ। କାରଣ ତାଙ୍କ ଘରର ସହାୟକ କର୍ମଚାରୀ କରୋନା ପଜିଟିଭ୍ ଚିହ୍ନଟ ପରେ କପୁର ପରିବାର ୧୪ ଦିନ ପାଇଁ ହୋମ୍ କ୍ୱାରାଣ୍ଟାଇନ୍ରେ ରହିଥିଲେ। ବର୍ତ୍ତମାନ ସମୟରେ ଜାହ୍ନବୀ କପୁର ତାଙ୍କ ଇନ୍ଷ୍ଟାଗ୍ରାମ୍ରେ ଏକ ଫଟୋ ଶେୟାର କରିଛନ୍ତି। ଏହି ଫଟୋରେ ଜାହ୍ନବୀ କ୍ୟାମେରାକୁ ଦେଖୁଥିବା ବେଳେ ଗୋଟିଏ କାନ୍ଧରେ ଡ୍ରେସ୍ ରହିଛି, ଆଉ ଗୋଟିଏ ପାର୍ଶ୍ୱ ଖୋଲା ରହିଛି। ଏହି ଫଟୋ ଶେୟାର ହେବାର ମାତ୍ର କିଛି ଘଣ୍ଟା ମଧ୍ୟରେ ୫ ଲକ୍ଷରୁ ଅଧିକ ୟୁଜର ତାଙ୍କୁ ଲାଇକ୍ କରିଥିବା ବେଳେ ଅନେକ ପ୍ରଶଂସା କରିଛନ୍ତି।
ତାଙ୍କ ଘରର ସହାୟକ କରୋନା ଆକ୍ରାନ୍ତ ହୋଇଥିବା ନେଇ ବୋନି କପୁର, ଖୁସି କପୁର, ଜାହ୍ନବୀ କପୁର ଏବଂ ପରିବାରର ଅନ୍ୟ ସଦ୍ୟମାନେ ହୋମ୍ କ୍ୱାରାଣ୍ଟାଇନ୍ରେ ଥିଲେ। ବର୍ତ୍ତମାନ ପ୍ରାୟ ୨ ସପ୍ତାହ ପୂରଣ ହେବା ପରେ ବୋନି କପୁର ଏକ ଟୁଇଟ୍ ମାଧ୍ୟମରେ ପ୍ରଶଂସକଙ୍କ ସହ ଖୁସି ଖବର ବାଣ୍ଟିଛନ୍ତି। ବୋନି କହିଛନ୍ତି, ତାଙ୍କ ଘରର ସହାୟତା ସଦସ୍ୟଙ୍କ ସମେତ ସମସ୍ତଙ୍କ କରୋନା ଭାଇରସ୍ ପରୀକ୍ଷା ରିପୋର୍ଟ ନେଗେଟିଭ୍ ଆସିଛି।