ତାଳଚେର,୨।୮(ନି.ପ୍ର.): ଅନୁଗୋଳ ଜିଲା ତାଳଚେରସ୍ଥିତ ଚାଇଁପାଳ ଓଭରବ୍ରିଜ ନିକଟରେ ଶୁକ୍ରବାର ଏକ ଟ୍ରକ୍ ସ୍କୁଟରକୁ ଧକ୍କା ଦେଇଛି। ଏଥିରେ ଜଣେ ମହିଳାଙ୍କ ମୃତ୍ୟୁ ଘଟିବା ସହ ଅନ୍ୟ ଦୁଇଜଣ ଆହତ ହୋଇଛନ୍ତି। ମୃତ ମହିଳା ଜଣଙ୍କ ହେଲେ ତୃପ୍ତିମୟୀ ଭୂତିଆ (୩୦)। ତେବେ ଆହତ ଦ୍ୱୟଙ୍କୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି। ଏ ନେଇ ସ୍ଥାନୀୟ ଲୋକେ ୧୪୯ ନଂ. ରାଜ୍ୟ ରାଜପଥ ତାଳଚେର- ବଅଁରପାଳ ରାସ୍ତାରୋକୋ କରିବାରୁ ଘଟଣାସ୍ଥଳରେ ଉତ୍ତେଜନା ଲାଗିରହିଛି।
ସୂଚନାଯୋଗ୍ୟ, ସକାଳୁ ତୃପ୍ତି ମଉସା ପୁଅଙ୍କ ସହ ଏକ ଛୋଟପିଲାକୁ ଧରି ଷ୍ଟେଶନ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା।