ଢେଙ୍କାନାଳ ଅଫିସ,୧୪।୩: ଢେଙ୍କାନାଳ ଜିଲା ମହିସାପାଟ ରେଙ୍ଗାଲି କଲୋନୀରୁ ସ୍କୁଟି ଭିତରୁ ଶନିବାର ଏକ ନାଗ ସାପ ଉଦ୍ଧାର କରାଯାଇଛି। ଯାହାର ଲମ୍ବ ୬ ଫୁଟ ହେବ । ରେଙ୍ଗାଲି ଦକ୍ଷିଣ କେନାଲର ଜଣେ କର୍ମଚାରୀ ସୁରେଶ ସାହୁଙ୍କ ସ୍କୁଟିରୁ ଏହି ସାପ ଉଦ୍ଧାର ହୋଇଛି। ସକାଳେ ସ୍କୁଟିରେ ସାପକୁ ଦେଖି ସୁରେଶ ସ୍ନେକ ହେଲ୍ପଲାଇନ୍କୁ ଜଣାଇଥିଲେ। ପରେ ସ୍ନେକ ହେଲ୍ପଲାଇନ କର୍ମଚାରୀ ପାପୁନ ଦାସ ପହଞ୍ଚି ଗାଡ଼ିର ବିଭିନ୍ନ ପାର୍ଟ ଖୋଲି ନାଗକୁ ଉଦ୍ଧାର କରିଥିଲେ। ଉଦ୍ଧାର ପରେ ସାପକୁ ମେଘା ଜଙ୍ଗଲରେ ଛଡ଼ାଯାଇଛି।