ବରଗଡ଼ ଅଫିସ,୮ା୬: କରୋନା ଭଳି ବିପର୍ଯ୍ୟୟ ସମୟରେ ସ୍କୁଲ ଫି, ବିଦ୍ୟୁତ ଦେୟ ଏବଂ ଘରଭଡ଼ା ଅସୁଲ କରାଯାଉଛି। ପ୍ରାୟ ଅଢ଼େଇ ମାସ ହେଲା ଲକ୍ଡାଉନ୍ କଟକଣା ଲାଗୁ ହୋଇଥିବା ଲୋକେ ବେରୋଜଗାରକ୍ଷମ ହୋଇପଡ଼ିଛନ୍ତି। ଏଭଳି ପରିସ୍ଥିତିରେ ଏସବୁ ଦେୟ ପ୍ରଦାନ କରିବାରେ ଲୋକେ ସକ୍ଷମ ହୋଇପାରୁ ନାହାନ୍ତି। ଫଳରେ ଛାତ୍ରୀଛାତ୍ରଙ୍କ ସ୍କୁଲ ଫି, ବିଦ୍ୟୁତ୍ ଦେୟ ଏବଂ ଘରଭଡ଼ା ଛାଡ଼ କରିବାକୁ ବରଗଡ଼ ସମ୍ବିଧାନ ସୁରକ୍ଷା ମଞ୍ଚ ଦାବି କରିଛି। ଏହି ଦାବି ନେଇ ସୋମବାର ସମ୍ବିଧାନ ସୁରକ୍ଷା ମଞ୍ଚର ଏମ୍ଡି ନିଜାମ, ବାଳକିଶୋର ଛତର, ଆଶିଷ କୁମାର ସୁନା ପ୍ରମୁଖ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରିଛନ୍ତି। ଜିଲାପାଳ ଜ୍ୟୋତିରଞ୍ଜନ ପ୍ରଧାନଙ୍କ ଅନୁପସ୍ଥିତିରେ ଆସିଷ୍ଟାଣ୍ଟ କଲେକ୍ଟର ସୁମତୀ ପଣ୍ଡା ସ୍ମାରକପତ୍ର ଗ୍ରହଣ କରିଥିଲେ।