ଜାମଟିକ୍ରା, ୧୦।୯ (ଡି.ଏନ୍.ଏ):
ବରଗଡ଼ ଜିଲା ଅତାବିରା ବ୍ଲକ ଅଧୀନ ଜାମଟିକ୍ରା ଗାନ୍ଧୀ ଏମ୍ଇ ସ୍କୁଲ ସାମ୍ନାରେ ପାଏନ୍ ଟୁଡ଼ି ରହିବାର ଲାଗି ଅଁାଠେ କାଦୋ ହେଇଛେ। ଯେନ୍ଥିରଲାଗି ସ୍କୁଲର ଛାତ୍ରୀଛାତ୍ର ପରିସର ଭିତିରକେ ଗଲାଅଏଲା ବେଲେ ବଡ଼ଭାରି ସମସିଆର ସାମନା କରୁଛନ୍। ସ୍କୁଲ ଫାଟକ୍ ମୁହେଁ ବନେ ଖଁଡ଼େ ଦୂର କାଦୋ ହେଇଛେ। ହେଲେ ଦୁଖର କଥା ସ୍କୁଲରେ ଛୋଟ୍ ଛୋଟ୍ ଛୁଆ ପାଠ୍ ପଢ଼ୁଥିଲାବେଲେ ପରିବେଶ ଉପରେ କାହାରି ନିଘାନାଇଁ। ବରଷା ହେଲେ ଫାଟକ୍ ମୁହେଁ ପାଏନ୍ ଟୁଡ଼ି ରହୁଛେ, ସେ ପାଏନ୍ ସେଠାନେ ମରି ଅଁାଠେ କାଦୋ ହେଉଛେ। ବେଶି ବରଷା ହେଲେ ସ୍କୁଲର ପ୍ରଧାନଶିକ୍ଷକ ସନ୍ତୋଷ ଭୁଏ ନିଜେ ରଫା ଧରି ପାଏନ୍ କାଟୁଥବାର ଅନେକ ସମିଆରେ ଦେଖ୍ବାକେ ମିଲୁଛେ। ଏନ୍ତାଥି ସ୍କୁଲ ପରିବେଶ ଅସ୍କୁରା ହେବାର ସଂଗେ ଛୁଆକର ଭିତରେ ନାନା ରୋଗ୍ ବହପିବାର ଭଏ ରହିଛେ। ଇଆଡ଼େ ସ୍କୁଲ ପତୁରପକ୍ଷ, ପରିଚାଲନା କମିଟି ଆର ବ୍ଲକ ଶିକ୍ଷା ଅଧ୍କାରୀ ଘଟନା ଉପରେ ଆଏଁଖ୍ ମୁଜିଦେବାରଟା ନିହାତି ଗୁଟେ ଦୁଖର କଥା ବଲି ଅଭିଭାବକମାନେ ଅଭିଯୋଗ କରିଛନ୍। ଇ ବାବ୍ଦେ ସ୍କୁଲର ପ୍ରଧାନଶିକ୍ଷକ ସନ୍ତୋଷ ଭୁଏକୁଁ ପଚରାଲାରୁ ବହୁତ ଜଲଦି ସମସିଆର ସମାଧାନ କରାଯିବା ବଲି ସେ କହିଛନ୍।
