କାଳିଆପାଣି,୧୫।୭(ଡି.ଏନ୍.ଏ.): ଯାଜପୁର ଜିଲା କାଳିଆପାଣି ଖଣି ଅଞ୍ଚଳରେ ସ୍କୁଲକୁ ଯାତାୟାତ କରିବାରେ ଅସୁବିଧା ଯୋଗୁ ଛାତ୍ରୀଛାତ୍ର ଇମ୍ଫା କମ୍ପାନୀ ଗେଟ୍ ସମ୍ମୁଖରେ ଧାରଣା ଦେଇଥିବା ଜଣାପଡ଼ିଛି। ସୂଚନା ମୁତାବକ କାଳିଆପାଣି ଖଣି ଅଞ୍ଚଳରେ ବହୁ ନାମିଦାମୀ କମ୍ପାନୀ କାର୍ଯ୍ୟରତ ଥିବାବେଳେ ସ୍ଥାନୀୟ ଖଣି ପ୍ରଭାବିତ ଗ୍ରାମର ପିଲାମାନେ ସ୍କୁଲ ଅଭାବରୁ ଅଧାରେ ପାଠ ଛାଡୁଥିବା ଜଣାପଡ଼ିଛି । ଟାଟା ଓ ଓଏମସି ବସ ନିଜ କର୍ମଚାରୀଙ୍କ ପିଲାମାନଙ୍କୁ ନେବା ଆଣିବା କରୁଥିବାବେଳେ ଇମ୍ଫା କମ୍ପାନୀ ନିଜ କର୍ମଚାରୀ ପିଲାମାନଙ୍କୁ ନେବା ଆଣିବା କରୁଛି। ହେଲେ କାଳିଆପାଣି ଗ୍ରାମର ପିଲାମାନଙ୍କୁ କୌଣସି ବସ ନେବା ଆଣିବା କରୁନି। ଫଳରେ ୮ ଦିନ ଧରି ସେମାନଙ୍କ ସ୍କୁଲ ଯିବା ବନ୍ଦ ହୋଇଛି। ଫଳରେ ଛାତ୍ରୀଛାତ୍ର ଇମ୍ଫା ଗେଟ୍ ସମ୍ମୁଖରେ ଧାରଣା ଦେଇଛନ୍ତି ।