ରୋମ୍: ବଲିଉଡ୍ର ଏକ ପ୍ରସିଦ୍ଧ ଗୀତ ଅଛି, ଯାହାକୁ ଆପଣ ନିଶ୍ଚିତ ଶୁଣିଥିବେ। ଗୀତଟି ହେଲା ପ୍ୟାର୍ ହମେ କିସି ମୋଡ୍ ପେ ଲେ ଆୟା, କ୍ୟା କରେ ହାୟ, କୋଇ ତ ବତାୟେ ଅବ୍ କ୍ୟା ହୋଗା…। ଏହି ଗୀତ ଜଣେ ବ୍ୟକ୍ତିଙ୍କ ପାଇଁ ପ୍ରଯୁଜ୍ୟ ଅଟେ। କାରଣ ସେ ତାଙ୍କ ସ୍ତ୍ରୀଙ୍କୁ ମିଛ କହି ପ୍ରେମିକାଙ୍କ ସହିତ ଇଟାଲୀ ଯାଇଥିଲେ। ଚାଇନା ପରେ ଏବେ ଇଟାଲୀରେ ସବୁଠୁ ଅଧିକ କରୋନା ଭାଇରସ୍ରେ ଆକ୍ରାନ୍ତ ହୋଇଛନ୍ତି। ଦିଲ୍ଲୀର ବ୍ୟକ୍ତିଜଣକ ସ୍ତ୍ରୀଙ୍କୁ କହିଥିଲେ ବ୍ୟବସାୟ କାମରେ ସେ ବାହାରକୁ ଯାଉଛନ୍ତି। ମାତ୍ର କରୋନାରେ ଆକ୍ରାନ୍ତ ହେବା ପରେ ଏହି ଘଟଣା ପଦାକୁ ଆସିଛି। ସେଠାରେ ଯେତେବେଳେ ତାଙ୍କ ପରିଚୟ ପଚରାଗଲା ପ୍ରେମିକାଙ୍କ ନାଁ କହିବାକୁ ସେ ମନା କରିଦେଲେ। ସେ କେବଳ ଏତିକି କହିଛନ୍ତି ତାଙ୍କ ସ୍ତ୍ରୀ ଏକଥା ଜାଣିନାହାନ୍ତି। ଏହି ସଂକ୍ରମଣ କେମିତି ହେଲା ତାହା ଜଣାପଡ଼ିନାହିଁ। ପୀଡ଼ିତଙ୍କ ସ୍ବାସ୍ଥ୍ୟାବସ୍ଥା ବର୍ତ୍ତମାନ ସ୍ଥିର ରହିଛି। ସୋସିଆଲ ମିଡିଆରେ ଏହା ଭାଇରାଲ ହେବା ପରେ ଲୋକେ ଥଟ୍ଟା ପରିହାସ କରୁଛନ୍ତି। ଜଣେ ୟୁଜର ଲେଖିଛନ୍ତି, କରୋନା ସହ ଲଢ଼ି ହୁଏତ ବଞ୍ଚିଯିବେ ମାତ୍ର ସ୍ତ୍ରୀଙ୍କୁ ସାମ୍ନା କରିପାରିବେ ତ? ଅନୁମାନ କରନ୍ତୁ ଯଦି ସ୍ତ୍ରୀ ଜାଣିଲେ ତେବେ ତାଙ୍କ ପରିସ୍ଥିତି କ’ଣ ହେବ। ଏହିଭଳି ଅନେକ କମେଣ୍ଟ କରିଛନ୍ତି ୟୁଜର। ଆଉ କିଛି ୟୁଜର ଉକ୍ତ ବ୍ୟକ୍ତିଙ୍କ ଆରୋଗ୍ୟ କାମନା ମଧ୍ୟ କରିଛନ୍ତି।