ଅତାବିରା,୧୬।୬(ଡି.ଏନ୍.ଏ.)-ରାଜ୍ୟ ଓ କେନ୍ଦ୍ର ସରକାର ସବୁବର୍ଗର ଲୋକଙ୍କୁ ମାଗଣା ସ୍ବାସ୍ଥ୍ୟସେବା ଯୋଗାଇଦେବା ପାଇଁ ବିଭିନ୍ନ ଯୋଜନା ପ୍ରଣୟନ କରିଛନ୍ତି ା ହେଲେ ପ୍ରକୃତ ହିତାଧିକାରୀ ସେଥିରୁ ବଞ୍ଚତ୍ତ ହୋଇଛନ୍ତି ା ସେମିତି ଜଣେ ରୋଗୀ ହେଲେ ବରଗଡ଼ ଜିଲା ଭେଡେନ ଥାନା ବକଟି ପଞ୍ଚାୟତ ବୁର୍ଦ୍ଧା ହରିଜନପଡ଼ାର ମେନକା ଭୋସାଗର (୩୪) । ଗତ ୪ ତାରିଖରୁ ସେ ବୁର୍ଲା ଭିମ୍ସାରର ମହିଳା ମେଡିସିନ ୱାର୍ଡରେ ଚିକିତ୍ସାଧୀନ ଅଛନ୍ତି ା ମେଡିକାଲରେ ଆବଶ୍ୟକ ଔଷଧ ମିଳୁ ନ ଥିବାରୁ ତାଙ୍କ ସ୍ବାମୀ ପଦ୍ମଲୋଚନ ବାହାରୁ ଚଢ଼ା ଦରରେ କିଣୁଛନ୍ତି ା ଆର୍ଥିକ ଅନଟନ ମଧ୍ୟରେ ଗତି କରୁଥିବା ଏହି ପରିବାରର ଜମିବାଡି ନାହିଁ । ପ୍ରତିମାସରେ ରାଶନକାର୍ଡରେ ୧୫ କେଜି ଚାଉଳ ମିଳୁଛି । ଆବାସ ଗୃହ ମିଳି ନ ଥିବାରୁ ଝାଟିମାଟି ଘରେ ଦିନ କାଟୁଥିବା ଏହି ପରିବାର ପାଇଁ ଏବେ ଦୁଃଖ ମାଡ଼ି ବସିଛି ା ମେନକା କିଡ୍ନୀ ରୋଗରେ ଆକ୍ରାନ୍ତ ହେବା ପରେ ପଦ୍ମଲୋଚନ ଚିନ୍ତାରେ ପଡିଛନ୍ତି ।
ପୁଅ ଚନ୍ଦ୍ରଶେଖର (୭), ସ୍ତ୍ରୀ ମେନକାଙ୍କୁ ନେଇ ପଦ୍ମଲୋଚନଙ୍କ ଛୋଟ ସଂସାର ା ସ୍ବାମୀ ଯାହା ରୋଜଗାର କରୁଥିଲେ ସେଥିରେ ମେନକା ପରିବାର ଚଳାଉଥିଲେ ା ହେଲେ ଦିନେ ହଠାତ୍ ସେ ଅସୁସ୍ଥ ହୋଇପଡିଥିଲେ ା ପରେ ତାଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା ା ଆବଶ୍ୟକ ପରୀକ୍ଷା ନିରୀକ୍ଷା ପରେ ମେନକା କିଡ୍ନୀ ଜନତି ରୋଗରେ ଆକ୍ରାନ୍ତ ଥିବା ଜଣାପଡିଥିଲା ା ଏହାର କିଛିଦିନ ପରେ ତାଙ୍କୁ ଭିମ୍ସାର ସ୍ଥାନାନ୍ତର କରାଯାଇଛି ା ଏବେ ତାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଅଛି ା ଡାକ୍ତରଙ୍କ ପରାମର୍ଶ ଅନୁଯାୟୀ ଗତ ୧୧ ଦିନ ମଧ୍ୟରେ ତାଙ୍କୁ ୫ ୟୁନିଟ୍ ରକ୍ତ ଦିଆସରିଲାଣି ବୋଲି ପଦ୍ମଲୋଚନ କହିଛନ୍ତି । ଏଥିପାଇଁ ସେ ମୁଖ୍ୟମନ୍ତ୍ରୀ ଓ ସ୍ବାସ୍ଥ୍ୟମନ୍ତ୍ରୀଙ୍କୁ ଚିଠି ଲେଖି ଆର୍ଥିକ ସହାୟତା ଯୋଗାଇ ଦେବାକୁ ଅନୁରୋଧ କରିଛନ୍ତି ା
ସୂଚନାଯୋଗ୍ୟ, ପଦ୍ମଲୋଚନ ୨୦୧୪ରୁ ପଶ୍ଚିମ ଓଡ଼ିଶା ଟ୍ରାଫିକ ସଂଯୋଜକ ଭାବେ କାମ କରି ଆସୁଛନ୍ତି।