ନୂଆଦିଲ୍ଲୀ,୨୩।୫: ଦେଶରେ କରୋନା ସଂକ୍ରମଣ ଜାରି ରହିଛି। ଏହାକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ଲକ୍ଡାଉନ୍ ସମୟ ସୀମାକୁ ବୃଦ୍ଧି କରାଯାଇଛି। ସ୍ଥିତିରେ ସୁଧାର ଆସିଲେ ଆସନ୍ତା ଅଗଷ୍ଟ-ସେପ୍ଟେମ୍ବରଠାରୁ ଅନ୍ତର୍ଜାତୀୟ ଉଡ଼ାଣ ଆରମ୍ଭ ହେବ ବୋଲି ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ୍ ସିଂ ସୁରୀ ସୂଚନା ଦେଇଛନ୍ତିି। ନିଜ ଫେସ୍ବୁକ୍ ପେଜ୍ରେ ଏକ ପ୍ରଶ୍ନର ଉତ୍ତରରେ ଏହା କହିଛନ୍ତି। ଦେଶରେ ମେ ୨୫ଠାରୁ ୩୩ ପ୍ରତିଶତ ଘରୋଇ ଉଡ଼ାଣ ଆରମ୍ଭ ହେଉଥିବାବେଳେ ଅନ୍ତର୍ଜାତୀୟ ଉଡ଼ାଣ ମଧ୍ୟ ଖୁବ୍ ଶୀଘ୍ର କରାଯିବାର ନିଷ୍ପତ୍ତି ଗ୍ରହଣ ହେବ ବୋଲି ସେ କହିଛନ୍ତି। ଯାତ୍ରୀଙ୍କ ଚାହିଦା ଅନୁସାରେ ଉଡ଼ାଣ ସଂଖ୍ୟା ବୃଦ୍ଧି କରାଯିବ ବୋଲି ସେ କହିଛନ୍ତି। ସୂଚନାଯୋଗ୍ୟ, ଲକ୍ଡାଉନ୍ ସମୟରେ ବେସାମରିକ ବିବାନ ଚଳାଚଳ ବିଭାଗ ପକ୍ଷରୁ ଲାଇଫ୍ ଲାଇନ୍ ଉଡ଼ାଣ କରାଯାଇଛି। ଏହାଦ୍ୱାରା ଏକ ହଜାର ଟନ୍ ମେଡ଼ିକାଲ ଉପକରଣ ଦେଶର ବିଭିନ୍ନ ଅଞ୍ଚଳରେ ପହଞ୍ଚାଇ ଦିଆଯାଇଥିବା ସେ କହିଛନ୍ତି।