ନୂଆଦିଲ୍ଲୀ, ୨୮ା୩ (ପି.ଟି.)- ସବୁଠାରୁ କ୍ଷମତାଶାଳୀ ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ବୋର୍ଡର ଏକ ଗୁରୁତ୍ୱପୂର୍ଣ୍ଣ ବୈଠକ ଶୁକ୍ରବାର ବସିଥିଲା। ଏହା ଟେଲିକନଫରେନ୍ସିଂ ଜରିଆରେ ଅନୁଷ୍ଠିତ ହୋଇଥିଲା। ବୈଠକରେ ଭାରତର ତରଫରୁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ଜଣେ ପୂର୍ବତନ ସଭାପତି ଭାଗନେବେ ବୋଲି ପ୍ରଥମେ ଶୁଣାଯାଉଥିଲା। ମାତ୍ର ବର୍ତ୍ତମାନର ସଭାପତି ସୌରଭ ଗାଙ୍ଗୁଲି ଏଥିରେ ଦେଶ ତରଫରୁ ପ୍ରତିନିଧିତ୍ୱ କରିଥିଲେ।
କୋଭିଡ୍-୧୯ କେବଳ କ୍ରିକେଟ ନୁହେଁ ବିଶ୍ୱର ସମସ୍ତପ୍ରକାର କ୍ରୀଡ଼ା କାର୍ଯ୍ୟକଳାପକୁ ନିସ୍ତେଜ କରିଦେଇଛି। ଏହି ପରିପ୍ରେକ୍ଷୀରେ ଟି୨୦ ବିଶ୍ୱକପ୍ ଓ ବିଶ୍ୱ ଟେଷ୍ଟ ଚାମ୍ପିୟନଶିପ୍ ସମେତ ଆଇସିସି ଦ୍ୱାରା ପରିଚାଳିତ ଅନ୍ୟ ଟୁର୍ନାମେଣ୍ଟଗୁଡ଼ିକ ଲାଗି ବିଭିନ୍ନ ଆକସ୍ମିକ ଯୋଜନା ସମ୍ପର୍କରେ ଆଲୋଚନା ହୋଇଥିଲା। କରୋନା ଭାଇରସ୍ ସଂକ୍ରମଣ ଆଶଙ୍କା ଦୃଷ୍ଟିରୁ ବିଶ୍ୱ ଟେଷ୍ଟ ଚାମ୍ପିୟନଶିପ୍ ଅନ୍ତର୍ଗତ ବହୁ ଦ୍ୱିପାକ୍ଷିକ ଟେଷ୍ଟ ସିରିଜକୁ ଇତିମଧ୍ୟରେ ବାତିଲ କରିବାକୁ ହୋଇଛି। ବିଶ୍ୱ କ୍ରୀଡ଼ାରେ କରୋନା ଭାଇରସ୍ର ପ୍ରଭାବ ସମ୍ପର୍କରେ ମଧ୍ୟ ଆଲୋଚନା ହୋଇଥିଲା। କୋଭିଡ୍-୧୯ ମହାମାରୀର ଅଗ୍ରଗତି ଉପରେ ନିଜର ରଖାଯିବ। ପର୍ଯ୍ୟାୟକୁ ପର୍ଯ୍ୟାୟ ଅନୁଧ୍ୟାନ କରି ଅକସ୍ମିକ ଯୋଜନା ପ୍ରସ୍ତୁତ କରାଯିବ ବୋଲି ଆଇସିସି ମୁଖ୍ୟ କାର୍ଯ୍ୟନିର୍ବାହୀ ମନୁ ଶାହାନେ ପ୍ରକାଶ କରିଛନ୍ତି। ବୈଠକରେ ଟୁର୍ନାମେଣ୍ଟର କାର୍ଯ୍ୟସୂଚୀ କିମ୍ବା ସ୍ଥାନ ପରିବର୍ତ୍ତନ ସମ୍ପର୍କରେ କୌଣସି ନିଷ୍ପତ୍ତି ନିଆଯାଇ ନାହିଁ। କରୋନା ଭାଇରସ୍ ସମ୍ପର୍କିତ ଦୃଶ୍ୟପଟ୍ଟକୁ ଭିତ୍ତି କରି ଆଇସିସି ଇଭେଣ୍ଟଗୁଡ଼ିକ ସମ୍ପର୍କରେ ଆଇସିସି ମ୍ୟାନେଜମେଣ୍ଟ ସଦସ୍ୟମାନଙ୍କ ମତାମତକୁ ନେଇ ତୁରନ୍ତ ପଦକ୍ଷେପ ନେବ। ଇଂଲଣ୍ଡ ଆଗକୁ ପାକିସ୍ତାନ ଓ ଓ୍ବେଷ୍ଟଇଣ୍ଡିଜ ବିପକ୍ଷରେ ଘରୋଇ ସିରିଜ ଖେଳିବା କାର୍ଯ୍ୟକ୍ରମ ରହିଛି। ଯଦି ଏହା ସମ୍ଭବପର ନୁହେଁ ତେବେ ପଏଣ୍ଟ କିପରି ବଣ୍ଟାଯିବ ବୋଲି ବୋର୍ଡର ଜଣେ ସଦସ୍ୟ ପ୍ରଶ୍ନ କରିବାରୁ ଶାହାନେ କହିଥିଲେ। ଏ ବିଷୟରେ ନିଷ୍ପତ୍ତି ଟେକ୍ନିକାଲ କମିଟି ନେବ। ସହମତି ଭିତ୍ତିରେ ଏହି ସମସ୍ୟାର ସମାଧାନ କରାଯାଇ ପାରେ। ବୋର୍ଡର କେତେଜଣ ସଦସ୍ୟ କହିଥିଲେ ଅଷ୍ଟ୍ରେଲିଆରେ ଟି୨୦ ବିଶ୍ୱକପ୍ ଅକ୍ଟୋବରରେ ଖେଳାଯିବା କାର୍ଯ୍ୟକ୍ରମ ରହିଛି। ଏହା ପ୍ରତି ବିପଦ ଥିବା ଭଳି ମନେ ହେଉ ନାହିଁ। କାରଣ ଆହୁରି ଅନେକ ଦିନ ବାକି ରହିଛି। ଜୁନ୍ରେ ଯଦି ପରିସ୍ଥିତି ନିୟନ୍ତ୍ରଣକୁ ଚାଲି ଆସେ ତେବେ ବିଭିନ୍ନ ପ୍ରସ୍ତାବକୁ ବିଚାର କରି ନିର୍ଦ୍ଦିଷ୍ଟ ଯୋଜନା ପ୍ରସ୍ତୁତ କରିବାକୁ ପଡ଼ିବ ବୋଲି ଜଣେ ସିନିୟର ଅଫିସିଆଲ କହିଛନ୍ତି। ବୋର୍ଡ ବୈଠକରେ ୨୦୧୯ ଫାଇନାନ୍ସିିଆଲ ଅଡିଟ୍ ରିପୋର୍ଟ ଏବଂ ୨୦୧୯ ଆଇସିସି