ପୁରୀ ଅଫିସ, ୨।୬:ଆସନ୍ତା ୫ ତାରିଖରେ ସ୍ନାନ ଯାତ୍ରା। ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଯୋର୍ଦାର ପ୍ରସ୍ତୁତି ଚାଲିଛି। କରୋନା ପାଇଁ ଏଥର ବିନା ଭକ୍ତରେ ମହାପ୍ରଭୁଙ୍କ ସ୍ନାନଯାତ୍ରା କରିବା ଲାଗି ନିଷ୍ପତ୍ତି ନିଆଯାଇଛି। ତେବେ ସ୍ନାନଯାତ୍ରାକୁ ଟିଭି ମାଧ୍ୟମରେ କିଭଳି ଅଧିକରୁ ଅଧିକ ଭକ୍ତ ଦେଖିପାରିବେ ତାହା ଉପରେ ଗୁରୁତ୍ୱ ଦିଆଯାଇଛି। ଏଥର ସୂଚନା ଓ ଲୋକ ସମ୍ପର୍କ ବିଭାଗକୁ ସିଧାପ୍ରସାରଣ ଦାୟିତ୍ୱ ଦିଆଯାଇଛି। ମଙ୍ଗଳବାର ବିଭାଗୀୟ ସଚିବ ସଞ୍ଜୟ ସିଂହ ପୁରୀ ଯାଇ ସ୍ଥିତି ଅନୁଧ୍ୟାନ କରିଛନ୍ତି। ସଚିବଙ୍କ ସହ ମୁଖ୍ୟପ୍ରଶାସକ ଡ. କିଷନ କୁମାର, ଜିଲାପାଳ ବଲଓ୍ବନ୍ତ ସିଂହ ପ୍ରମୁଖ ଅଧିକାରୀମାନେ ବୁଲି ସ୍ଥିତି ପରଖିଛନ୍ତି। କେଉଁଠୁ ଏବଂ କିପରି ଲାଇଭ୍ କଭରେଜ୍ କରାଯିବ ତାହା ସେମାନେ ବୁଲି ଦେଖିଛନ୍ତି।