ଜୟପୁର, ୧୨।୬: ରାଜସ୍ଥାନ ଜୟପୁର ବିମାନ ବନ୍ଦରରେ ଘଟିଛି ଏକ ଅଭାବନୀୟ ଘଟଣା। ଏଠାରେ ଦୁବାଇ-ଜୟପୁର ଯାଉଥିବା ସ୍ପାଇସ୍ ଜେଟ୍ ବିମାନ ଜରୁରୀକାଳୀନ ଅବତରଣ କରିଛି। ଅବତରଣ ସମୟରେ ରନ୍ ଓ୍ବେରେ ଏସ୍ଜି-୫୮ ବିମାନର ଟାୟାର ଫାଟିଯାଇଥିବା ବମାନ ବନ୍ଦର କର୍ତ୍ତୃପକ୍ଷ ସୂଚନା ଦେଇଛନ୍ତି। ବୁଧବାର ସକାଳ ୯ଟା ୩ରେ ବିମାନଟି ଜରୁରୀକାଳୀନ ଅବତରଣ କରିଥିଲା। ସେତେବେଳେ ବିମାନରେ ୧୮୯ ଯାତ୍ରୀଥିଲେ। ତେବେ ସମସ୍ତ ଯାତ୍ରୀ ସୁରକ୍ଷିତ ଥିବା ବିମାନବନ୍ଦର ପକ୍ଷରୁ କୁହାଯାଇଛି। ଟାୟାର ଫାଟିବା ପରେ ଯାତ୍ରୀମାନଙ୍କୁ ସୁରକ୍ଷିତ ବାହାର କରାଯାଇଥିଲା।