ସମ୍ବଲପୁର ଜିଲା ପର୍ଯ୍ୟଟନ କ୍ଷେତ୍ରରେ ଆଗକୁ ବଢ଼ିଛି । ଏହାସହ ଅନେକ ଶିଳ୍ପ ଓ ବ୍ୟବସାୟିକ ପ୍ରତିଷ୍ଠାନ ଗଢି ଉଠୁଛି । ହୋଟେଲ ଶିଳ୍ପ ମଧ୍ୟ ସେହି ହିସାବରେ ବଢି ଚାଲିଛି । ଗ୍ରାହକମାନଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ହୋଟେଲରେ ଆରାମଦାୟକ ରହଣି ସହ ଖାଦ୍ୟ ଉପରେ ଗୁରୁତ୍ୱ ଦିଆଯାଉଛି। ଏହି ପରିପ୍ରେକ୍ଷୀରେ ସମ୍ବଲପୁର ସହରର ପ୍ରତିଷ୍ଠିତ ହୋଟେଲ ଗ୍ରାଣ୍ଡ ଶିବାରେ ସ୍ପିନ୍ଅଚ୍ କଟେଜ୍ ଚିଜ୍ ରୋଲ ମଖନୀ ନାମକ ଡିସ୍ର ଚାହିଦା ବଢ଼ିଛି । ସେହି ଡିସ୍ର ମୂଲ୍ୟ ଗୋଟିଏ ପ୍ଲେଟ୍କୁ ୨୯୯ ଟଙ୍କା ରହିଛି । ଏହାକୁ ୨ ଜଣ ବ୍ୟକ୍ତି ଡିନର କିମ୍ବା ଲଞ୍ଚରେ ଖାଇ ପାରିବେ । ଏହାର ପ୍ରସ୍ତୁତି ପ୍ରଣାଳୀ ଓ ଆବଶ୍ୟକ ସାମଗ୍ରୀ ସଂକ୍ରାନ୍ତରେ ସେଫ୍ ରବୀନ୍ଦ୍ର ସାମଲ ଯାହା କୁହନ୍ତି..।
ଆବଶ୍ୟକ ସାମଗ୍ରୀ:
କଞ୍ଚା ପନିର- ୫୦ ଗ୍ରାମ
ସ୍ପିନ୍ଅଚ୍ (ପାଲକ) – ୧୫୦ ଗ୍ରାମ
ଅମୂଲ ଚିଜ୍ – ୭୫ ଗ୍ରାମ
ଫ୍ରେସ୍ ଅମୂଲ କ୍ରିମ- ୨୫ ଗ୍ରାମ
ପିଆଜ- ୩୦ ଗ୍ରାମ୍
କାଜୁ- ୫୦ ଗ୍ରାମ
ଟମାଟୋ- ୧୦୦ ଗ୍ରାମ
ଲୁଣ- ସ୍ବାଦ ଅନୁସାରେ
ରସୁଣ- ୨୦ ଗ୍ରାମ
ଅଦା- ୨୦ ଗ୍ରାମ
କିସମିସ – ୧୦ ଗ୍ରାମ
ବଟର – ୫ ଗ୍ରାମ
ରିଫାଇନ ତେଲ – ୨୦ ଗ୍ରାମ
ପ୍ରସ୍ତୁତି ପ୍ରଣାଳୀ:
ପ୍ରଥମେ ପିଆଜ,ରସୁଣ ଓ ସ୍ପିନ୍ଅଚ(ପାଳଙ୍ଗ)କୁ ଛୋଟ ଛୋଟ ଖଣ୍ଡ କରି କାଟି ତେଲରେ ଭାଜି କାଢ଼ି ଦିଅନ୍ତୁ। ପନିର, ଚିଜ୍, କାଜୁ କିସ୍ମିସକୁ ଛୋଟ ଛୋଟ କାଟି ରଖନ୍ତୁ। ପିଆଜ,ରସୁଣ ଓ ସ୍ପିନ୍ଅଚ(ପାଳଙ୍ଗ)ରେ ରୋଲ୍ ତିଆରି କରି ବଏଲ କରାଯାଇ ଏକ ପାତ୍ରରେ ରଖାଯିବ । ପରେ ରୋଲକୁ ୬ ଖଣ୍ଡରେ କାଟି ଦିଆଯିବ । ଟମାଟୋ କାଜୁକୁ ବଟାଯାଇ ତେଲରେ ଫ୍ରାଏ କରି ଗ୍ରେଭି ପ୍ରସ୍ତୁତି କରାଯିବ । ରୋଲ ଉପରେ ପ୍ରସ୍ତୁତି ଗ୍ରେଭିକୁ ଦିଆଯାଇ ପରସା ଯିବ ।