ମାଡ୍ରିଡ୍, ୨୪ା୩ (ଏଏଫ୍ପି)- କରୋନା ଭାଇରସ୍ ସଂକ୍ରମଣ ଭୟରେ ପୁନର୍ବାର ନୋଟିସ ଜାରି ନ ହେବା ପର୍ଯ୍ୟନ୍ତ ସ୍ପେନରେ ପ୍ରଫେସନାଲ ଫୁଟ୍ବଲକୁ ସସ୍ପେଣ୍ଡ କରାଯାଇଛି। ଲା ଲିଗା ଓ ସ୍ପାନିଶ ଫୁଟ୍ବଲ ଫେଡେରେଶନ (ଆର୍ଏଫ୍ଇଏଫ୍) ପକ୍ଷରୁ ସୋମବାର ଏହା ଘୋଷଣା କରାଯାଇଛି। ସ୍ବାସ୍ଥ୍ୟଗତ ରିସ୍କ୍ ନ ଥିବା ବିଷୟ ହୃଦୟଙ୍ଗମ କରି ସ୍ପାନିଶ ସରକାର ଯେତେବେଳେ ନିଷ୍ପତ୍ତି ନେବେ ସେତେବେଳେ ଦୁଇ ଟପ୍ ଡିଭିଜନର ମ୍ୟାଚ ଗୁଡ଼ିକ ଖେଳାଯିବ ବୋଲି ଲା ଲିଗା ଓ ଆର୍ଏଫ୍ଇଏଫ୍ ପ୍ରକାଶ କରିଛନ୍ତି। ପୂର୍ବରୁ ମାର୍ଚ୍ଚ ୧୨ରୁ ଦୁଇ ସପ୍ତାହ ପର୍ଯ୍ୟନ୍ତ କାର୍ଯ୍ୟସୂଚୀକୁ ସସ୍ପେଣ୍ଡ କରାଯାଇଥିଲା। ଚଳିତ ସପ୍ତାହ ଶେଷ ଭାଗରେ ଖେଳ ଆରମ୍ଭ କରିବା ଲାଗି ସ୍ଥିର କରାଯାଇଥିଲା। ମାତ୍ର ସଂକଟ ଜାରି ରହିବାରୁ ଶେଷରେ ଫୁଟ୍ବଲକୁ ସସ୍ପେଣ୍ଡ କରିବା ଲାଗି ନିଷ୍ପତ୍ତି ନିଆଯାଇଛି।