ନୂଆଦିଲ୍ଲୀ,୫।୯: ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମ୍ ଏବଂ ତାଙ୍କ ପୁଅ କାର୍ତ୍ତି ଚିଦାମ୍ବରମ୍ଙ୍କ ଆଗୁଆ ଜାମିନ୍ ଦିଲ୍ଲୀର ସିବିଆଇ ସ୍ପେଶାଲ କୋର୍ଟ ଗୁରୁବାର ମଞ୍ଜୁର କରିଛନ୍ତି। ଏୟାରସେଲ୍-ମ୍ୟାକ୍ସିସ୍ ମାମଲାରେ ଇଡ଼ି ଏବଂ ସିବିଆଇ ପକ୍ଷରୁ କରାଯାଇଥିବା ଅଭିଯୋଗରେ ଉଭୟଙ୍କୁ ଜାମିନ୍ ମିଳିଛି। ବ୍ୟକ୍ତିଗତ ଏକ ଲକ୍ଷ ଟଙ୍କା ମୁଚାଲିକାରେ ଏହି ଜାମିନ୍ ମିଳିଛି। ତଦନ୍ତରେ ସହଯୋଗ କରିବା ଲାଗି ଉଭୟଙ୍କୁ କୁହାଯାଇଛି। ତେବେ ଆଇଏନ୍ଏକ୍ସ୍ ମିଡ଼ିଆ ମାମଲାରେ ଚିଦାମ୍ବରମ୍ଙ୍କୁ ଇଡ଼ି ଗିରଫ କରିବା ଆଶଙ୍କା ରହିଛି।